VOV4.Sêdang - Kơxo lơ 26/3, pôa Nguyễn Xuân Phúc, Ngế pro xiâm hnê ngăn tơnêi tea hiăng pơkuâ hneăng hôp tiah hmâ Chin phuh tơmâng Khu hnê mơhno dêi tơnêi têa ‘na hbrâ mơdât pơreăng Covid-19 tối tơbleăng [ă pơkâ mâu tơdroăng. Tối tơbleăng a rôh hôp, pôa Nguyễn Xuân Phúc tối nhên, tơdroăng tâ tú pơreăng Covid-19 dế tâ tú ó, mơni kô tâ tú troh tung kuăn pơlê, hngêi pơkeăng hâi ‘nâi.

Ngế pro xiâm hnê ngăn tơnêi têa pơkuâ roh hôp

Xua mê, tu\m tơdroăng, kơvâ cheăng, malối cho mâu kong pơlê thế mơdêk tơbleăng hbrâ mơdât pơreăng [ă tơdroăng tí tăng ngăn re\ng châ ’nâi, klâ ối krê teăm tơdrêng, hdró kơpong tâ tú pơreăng [ă rak vế ivá  kuăn pơlê. Khu hnê mơhno cheăng dêi tơnêi têa, Khu xiâm ngăn pơkeăng thế tơbleăng mâu luât hbrâ mơdât pơreăng tung péa măng t^ng la ngiâ [ă tơdroăng pôi ta préa, thế hlê ple\ng nhân khât. Rêm râ kơvâ cheăng [ă mâu kong pơlê ki tơdjâk troh thế rak tơniăn tung rêh ối, hmiân tung pơlê pơla ăm rêm tíu.

Vâ tơniăn hơ’leh tơdroăng cheăng hnê tơdrêng [ă tơdroăng pêi pro ki ê. Ngế pro xiâm hnê ngăn tơnêi têa pơcháu Khu hnê mơhno tơru\m [ă {ơ rô Chin phuh ai hlá mơ-éa chêh nhên tơdroăng vâ pêi pro mâu tơdroăng pơkâ.

Gương tơplôu [a\ tơbleăng