VOV4.Sêdang - A kong pơlê Bến Tre, pôa Nguyễn Xuân Phúc, Ngế pro xiâm hnê ngăn tơnêi têa pêi cheăng [ă Kăn hnê ngăn mâu kong pơlê kơpong tơbăng kroăng Cửu Long ‘na tơdroăng tô mơdrăng ó [ă têa xăng po lân. Hlo hyôh kong prâi rế hía rế tô ó [ă têa xăng po lân, Ngế pro xiâm hnê ngăn tơnêi têa tối thế mâu kong pơlê kơpong tơbăng kroăng Cửu Long pơtối răk vế tơdroăng pâk pơkeăng ‘’Vaccine ki hiăng ai hlâu’’ dêi Việt Nam cho tơdroăng khên tơnôu dêi kuăn ngo, thăm rế xahpá pá, rế ó tâ mê thế rế mơdêi vâ xông prôk ‘na ngiâ.

Ngế pro xiâm hnê ngăn tơnêi têa séa ngăn tíu kâng rơchôa pơtân a têa kroăng Ba Lai (Bến Tre)

Ngế pro xiâm hnê ngăn tơnêi têa thế Khu xiâm ngăn ‘na chiâk deăng [ă mơnhông thôn pơlê, mâu khu xiâm, kơvâ cheăng, kong pơlê ki tơdjâk troh pêi pro tro tâ nếo tơdroăng pơkâ kơxo# 04 dêi Ngế pro xiâm hnê ngăn tơnêi têa ‘na tơdroăng tơbleăng troăng hơlâ hbrâ mơdât tô mơdrăng ó, têa xăng po lân, vâ rak tơniăn tơdroăng rêh ối, ối ta lôi kuăn pơlê pá puât ôh tá ai têa ôu kâ hum roh.

Ngế pro xiâm hnê ngăn tơnêi ăm ‘nâi kô hôu, hnê tối pơxâu mâu tíu pêi cheăng ki hrá ăm liăn, hrá pơtroh liăn ăm mâu tơdroăng tơkêa bro [ă kong pơlê ki ê; Tơnêi têa kố ‘măn môi iâ kơxo# liăn vâ kum mâu kong pơlê kơpong tơbăng kroăng Cửu Long tung tơdroăng plâ mơdât tô mơdrăng ó [ă têa xăng po lân.

Gương tơplôu [a\ tơbleăng