VOV4.Sêdang - Kơxo  lơ 31/7, a tíu pêi cheăng xiâm dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp tiah hmâ dêi Chin phuh a khế 7, tối tơdroăng pêi cheăng kâ rêh ối tung khế 7 [ă 7 khế dêi hơnăm 2018.

Tơbâ nếo tơdroăng ki oh tá tơdrăng tung rôh tơ’noăng râ má pái phôh thong tơnêi têa a mâu kong pơlê hdrối kố nah. Ngế pro xiâm hnê ngăn tơnêi têa tối, Chin phuh ôh tá xê vâ châ ai hên mê chiâng lôi tơdroăng ki pro xôi mê, Chin phuh kô séa ngăn kơtăng tơdroăng tơ’noăng râ má pái [ă đăi hok [ă tối mơgêi mơ’nui mâu tơdroăng pơkâ ăm ‘nâi nhên vâ hmiân tuăn kơ kuăn pơlê.

Ngế pro xiâm hnê ngăn tơnêi têa xuân pâ thế mâu khu xiâm, kơvâ cheăng tơpui ‘na troăng hơlâ cheăng kâ, rêh ối tung la ngiâ, tung mê, ai tơdroăng séa ngăn nếo ki tơmeăm to kơnâ yă, tơniăn ‘na cheăng kâ kân.

Tối nhên ‘na tơdroăng thế hơ’lêh  tơ-[rê tung tê mơdró tơnêi têa pêi pro ối hrá. Ngế pro xiâm hnê ngăn tơnêi têa tối, hên khu xiâm, kơvâ cheăng kong pơlê hâi pêi kơtăng tơdroăng tơkêa bro tơdroăng ‘nâi hơ’lêh pêi tơ-[rê ki hiăng châ k^. 

Tơdrêng [ă tơdroăng pơkâ dêi mâu khu xiâm, khu mơdró mơdêk tơ-[rê tơdroăng pêi pro, Ngế pro xiâm hnê ngăn tơnêi têa tối, la ngiâ Chin phuh kô po môi hneăng hôp lâp tơnêi têa tơpui ‘na khu mơdró kâ dêi Tơnêi têa.

Gương tơplôu [ă tơbleăng