VOV4.Sêdang - Hâi lơ 11/1, a tíu pêi cheăng dêi Chin phuh, drêng tơdah pôa Shim Won Hwan, Kăn xiâm hnê ngăn xuân cho Kăn pơkuâ Ko\ng ti on tơhrik đie#n tưh Samsung, kong têa Hàn Quốc, pôa Nguyễn Xuân Phúc, Ngế pro xiâm hnê ngăn tơnêi têa pói vâ Samsung pơtối pêi pro tơkêa po rơdâ mâu tíu mơjiâng pro a Việt Nam.

Tơmâng xo mâu rơkong tơpui tối, Ngế pro xiâm hnê ngăn tơnêi têa tối péa pâ hiăng rơtế, kum dêi pó drêng pá puât, tơ’lêi hlâu, kơnôm tiah mê hiăng châ tơ-[rê le\m tung pơla kố nah. Ngế pro xiâm hnê ngăn tơnêi têa mơnhên tối, Chin phuh Việt Nam pói vâ tung hơnăm nếo 2019, Khu pơkuâ mơjiâng pro tơmeăm Samsung châ tơ-[rê hên tung tơdroăng tê mơdró a Việt Nam; pơkâ thế djâ Việt Nam chiâng tíu ki kal má môi dêi Samsung. Chin phuh Việt Nam tơkêa kô rak tơniăn cheăng kâ ki kân, hơ’lêh tíu mơ’no liăn cheăng ‘na tê mơdró.

A Sa Ly tơplôu [ă tơbleăng