VOV4.Sêdang - Peăng xêi lơ 30/1, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn Chin phuh pơkuâ po rôh hôp Chin phuh mơnhên tối hnoăng cheăng tơku\m po Têt Lo hơnăm nếo ăm kuăn pơlê [ă malối cho môi tung mâu tơdroăng ki kal, tơpui tơno mâu troăng hơlâ ki ó rơdêi tung hnoăng cheăng hbrâ mơdât pơreăng troăng hiâm xua virus corona.

A Việt Nam, tiô tối tơbleăng dêi Khu xiâm ngăn pơkeăng [ă khăm pơlât tối, troh kơxê lơ 30/1 hiăng ai 3 ngế tro tâ virus corona. ‘Na tơdroăng ki pơreăng troăng hiâm xua virus corona, Ngế pro xiâm hnê ngăn tơnêi têa pơkâ mơ’no mâu troăng hơlâ athế mơjiâng Khu hnê mơhno hbrâ mơdât pơreăng xua kăn hnê ngăn Vi [an kong pơlê pơkuâ pro kăn pơkuâ, tung tơdroăng ki hbrâ rơnáu, pêi pro 4 hnoăng cheăng tơdrêng.

Xông tơpui mơgêi a rôh hôp, Ngế pro xiâm hnê ngăn tơnêi têa pơkâ thế mâu khu râ, kơvâ cheăng re\ng pêi pro mâu hnoăng cheăng ki châ pơcháu tiô túa ki kơhnâ, tơ’mô. Tối tơbleăng tơdrêng túa pơkâ ‘no liăn, roê ‘mot kế tơmeăm ing kong têa ê, mâu túa pơkâ cheăng drêng trâm, malối cho mâu kơvâ cheăng ki tro tơdjâk tơdrêng cho ôm hyô, tê mơdró [ă têa châu, têa kơxăng, troăng tơ-[ai.

Katarina Nga tơplôu [a\ tơbleăng