VOV4.Sêdang - A Hà Nội nếo tơku\m po Hneăng hôp mơ’no tơdrêng tung um tơvi rơ’jíu lâp tơnêi têa po rơdâ hnoăng cheăng hơnăm 2020 dêi Hngêi arak liăn Tơnêi têa. Veăng [a\ xông tơpui a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa kheăn kơdeăn Hngêi arak liăn Tơnêi têa hiăng veăng kum kal khât [a\ châ tơ-[rê dêi tơdroăng cheăng kâ hơnăm kố nah.

Vâ pêi pro tro mâu hnoăng cheăng hơnăm 2020, Ngế pro xiâm hnê ngăn tơnêi têa pơkâ kơvâ hngêi arak liăn pêi pro tro mâu hnoăng, túa pêi a mâu tơdroăng Pơkâ 01, 02 dêi Chin phuh ki Ngế pro xiâm hnê ngăn tơnêi têa nếo k^ hâi lơ 1/1/2020; séa ngăn tơdroăng vâ pêi teăm tơdrêng tơbleăng ăm Khu xiâm kal kí, Chin phuh [a\ Ngế pro xiâm hnê ngăn Chin phuh ki hlo nhên ôh tá tơniăn ‘na liăn ngân, tơdroăng mung liăn lâp plâi tơnêi [a\ tung tơnêi têa.

Ngế pro xiâm hnê ngăn tơnêi têa xuân pơkâ thế Hngêi arak liăn Tơnêi têa rơtế pêi pro péa tơdroăng pơkâ, mê cho mơjiâng tíu tơ’lêi hlâu ăm mâu hngêi arak liăn tê mơdró, tơku\m po ăm mung liăn tơniăn, rơkê tơtro, châ tơ-[rê, tơbriât lâp plâi tơnêi.

Pơkâ má péa cho thăm ai hên tơdroăng tê mơdró, tơtro tiô pơkâ [a\ pro tơ’lêi hlâu ăm kuăn pơlê [a\ khu tê mơdró, [a\ troăng tơ’lêi hlâu châ mung tung môi pơla, kơxo# liăn mơ’no pro mơ-éa vâ châ mung liăn iâ.

A Sa Ly tơplôu [a\ tơbleăng