VOV4.Sêdang - A pơlê kong kơdrâm {uôn Ma Thuột, kong pơlê Dak Lak, pôa Nguyễn Xuân Phúc, Ngế pro xiâm hnê ngăn tơnêi têa hiăng pơkuâ po hneăng hôp ‘’Troăng hơlâ rak tơniăn ‘na kuăn pơlê lăm rêh ối hmâng vâ tung lâp tơnêi têa [ă rak ngăn, xúa tơnêi ai xiâm rêi sap ing pêi chiâk deăng, pêt kong a Tây Nguyên’’.

A hneăng hôp, Ngế pro xiâm hnê ngăn tơnêi têa pơkâ thế khu xiâm, kơvâ cheăng, kong pơlê mơdêk châ tơ-[rê tơdroăng ki rak ngăn, xúa tơnêi tơníu ki ai xiâm rêi khu ngế pơkuâ, sap ing pêi chiâk deăng, pêt kong, pơkâ tơleăng tơdroăng ki ôh tá ai tơnêi pêi kâ, pơkuâ ngăn tơdroăng ki kuăn pơlê lăm rêh ối hmâng vâ, kơdroh tơdroăng ki tơxup tơbriât tơnêi, hdi xo tơnêi, ko ‘nhiê kong xo tơnêi [ă tơniăn tung kring vế, gak ngăn pơlê pơla, rak tơniăn hnoăng ki pơxúa dêi kuăn pơlê.

Ngế pro xiâm hnê ngăn tơnêi têa pơcháu ăm Khu xiâm ngăn ‘na kế tơmeăm tung têa, a tơnêi [ă hyôh kong prâi pơkuâ, tơru\m [ă mâu khu xiâm, kơvâ cheăng, kong pơlê [ă mâu tíu cheăng ai tơdjâk troh séa ngăn mâu túa pơkâ dêi luât ‘na tơnêi tơníu ăm hdroâng kuăn ngo vâ rak tơniăn tơdroăng ki môi tuăn, tơtro [ă ki ai khât.

Katarina Nga tơplôu [ă tơbleăng