VOV4.Sêdang - Hâi lơ 24/7, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa pơkuâ po Hneăng hôp mơdêk mơjiâng troăng hơlâ pơkâ luât pro tơ’lêi hlâu môi tơnêi têa, cheăng tơ’lêi hlâu môi ASEAN [ă pro tơ’lêi hlâu tê mơdró.

Pơkâ thế mâu khu xiâm mơ’no mâu troăng hơlâ, malối tung hnoăng cheăng rak ngăn kơvâ cheăng [ă mâu kế tơmeăm ki roê ‘mot ing kong têa ê vâ mơdêk tê ‘no kế tơmeăm ngi kong têa ê, Ngế pro xiâm hnê ngăn tơnêi têa tối rơdêi kô môi ivá cheăng vâ mơdêk cheăng kâ dêi Việt Nam.

Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng pơtối tơmâng ngăn, hnê mơhno mâu khu kăn pơkuâ tung hơ’lêh chêh pro hlá mơ-éa, tơku\m ‘mâi rơnêu mâu tơdroăng ki tá pêi pro klêi ki Hneăng hôp pơkâ mơ’no.

Tung mê, athế pro tơ’lêi hlâu ăm tơdroăng cheăng tê mơdró, Ngế pro xiâm hnê ngăn tơnêi têa pơkâ thế mâu kơ koan ki ai tơdjâk troh, pôi tá ngăn ‘na tơdroăng ki séa ngăn kơvâ cheăng vâ pro pá tung tê mơdró kế tơmeăm. Ngế pro xiâm hnê ngăn tơnêi têa rơhêng vâ, Việt Nam athế cho tíu ki pêi pro tro mâu tơdroăng tơhrâ kong têa ê troh a Việt Nam, khu mơdró kâ ‘no liăn cheăng dêi kong têa ê, tơmối ôm hyô ai mâu kong têa tro ‘ló má môi, tơ’lêi hlâu má môi.

Katarina Nga tơplôu [ă tơbleăng