VOV.Sêdang - Kơxo lơ 1/3, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ po hneăng hôp Chin phuh tiah hmâ khế 2 hơnăm 2019. Ngế pro xiâm hnê ngăn tơnêi têa tối nhên, khế 2 ai péa tơdroăng ki kal ki Đảng, Tơnêi têa hiăng tơku\m hnê mơhno vâ pêi pro châ tơ-[rê má môi. Ki apoăng cho tơku\m po tơdah Têt tiô khôi hmâ Kỷ Hợi phiu niu phâi tơtô, pro chiâng tơdroăng ki hơniâp ro tơdjâk troh tung lâp lu tơnêi têa.

Tơdroăng ki kal má péa cho hnoăng cheăng hbrâ ăm Hneăng hôp khu râ kăn xiâm Mih – Triều Tiên a Hà Nội. Maluâ hâi khế gá iâ, la hnoăng cheăng hbrâ hiăng tơdrăng le\m khât, rak tơniăn, hnoăng cheăng dêi Việt Nam châ kăn pơkuâ kong têa Mih prếi Trều Tiên xuân môi tiah mâu kong têa tung lâp plâi tơnêi mơnhên tối khât.

Tung rôh kố, Việt Nam hiăng mơđah tơbleăng tro [ă kong têa ê um méa môi tơnêi têa hâk pâ tơdroăng ki hơniâp le\m, pêi hên tơdroăng ki tơ-[rê tung hnoăng cheăng hơ’lêh nếo [ă tơru\m cheăng [ă kong têa ê. Ngế pro xiâm hnê ngăn tơnêi tối tiah kố, tơdroăng ki Việt Nam hbrâ po ăm hneăng hôp vâ mơhno tối nhên cho tơnêi têa ki tơru\m cheăng ai hnoăng pôu râng dêi pơlê pơla, kơhnâ mơdêk tơdroăng ki Hơniâp le\m a chuăn Triều Tiên, mơdêk hvêa chêng prôk ki nếo tung tơru\m cheăng pơla Mih – Triều tiên.

‘Na hnoăng cheăng a khế 3 la ngiâ, Ngế pro xiâm hnê ngăn tơnêi têa hnê mơhno pơtối rak tơniăn ‘na cheăng kâ kân, séa ngăn tơdroăng ki pro mơhrê liăn ngân, tơdrêng amê hnối tơku\m ăm hnoăng cheăng ki kal pêi pro tơdrêng, mê cho thăm mơdêk cheăng kâ.

Ngế pro xiâm hnê ngăn tơnêi têa tối ăm ‘nâi, kô tối tơbleăng tung lâp tơnêi ‘na tơdroăng ki hbrâ mơdât pơreăng chu châu Phi vâ mơdât pơreăng kố.

Katarina Nga tơplôu [ă tơbleăng