VOV4.Sêdang - Hâi lơ 30/8, kơnôm ai tơdroăng pơkuâ ngăn dêi pôa Nguyên Xuân Phúc, Ngế pro xiâm hnê ngăn tơnêi têa, mê Chin phuh kô po roh hôp tiah hmâ a khế 8, tơno ‘na tơdroăng pêi cheăng kâ-rêh ối pơlê pơla a khế 8 [ă 8 khế apoăng hơnăm 2018.

A roh hôp mê, pak^ng mâu tơdroăng ki tối tơbleăng ‘na cheăng kâ-rêh ối pơlê pơla hơnăm 2018, Chin phuh kô tơmâng, kô tơpui tơno mâu tơdroăng ki pơkâ mơ’no vâ pêi cheăng kâ-rêh ối pơlê pơla hơnăm 2019, ai tá mâu tơdroăng tối tơbleăng séa mơnhên pơla mâu hneăng [ă mâu hnoăng cheăng kal ki ê.

Tiô tối tơbleăng dêi Khu xiâm pơkâ [ă mơ’no liăn cheăng tối, tơdroăng pêi cheăng kâ tung khế 8 [ă 8 khế hiăng luâ pơtối châ mơdêk. Tâi tâng kơxo# liăn ki tê ‘ngré [ă châ xo ing tơdroăng tê mơdró ki ê tâng vâ riân ngăn châ lối 2 rơpâu 860 rơpâu rơtal liăn, tâk châ 11% tâng pơchông [ă rơnó kô dêi hơnăm nah.

Tơmối kong têa ê lăm ôm hyô a tơnêi têa pin tâng riân ngăn châ lối 10 rơtuh hdroh mơngế, tâk vâ chê 23%. Maluâ ti mê, xuân u ối mâu tơdroăng ki tá hâi tơtro, kal châ ‘mâi rơnêu sap ing nôkố troh mơ’nui hơnăm.

Nhat Lisa tơplôu [ă tơbleăng