VOV4.Sêdang - Pôa Nguyễn Xuân Phúc, Ngế pro xiâm hnê ngăn tơnêi têa ai rôh lăm séa ngăn tơdroăng rak pro tơniăn ‘na krúa le\m, hbrâ mơdât pơreăng êi xôu troăng hiâm ki râ xua virus corona pro ăm tơmối ki ôm hyô a kong pơlê Thừa Thiên Huế, môi kong pơlê ki ai krâm tơmối kong têa ê troh lăm pôu.

Ngế pro xiâm hnê ngăn tơnêi têa lăm ngăn tơdroăng hbrâ mơdât pơreăng a Thừa Thiên – Huế

Tối kong pơlê Thừa Thiên - Huế hiăng pêi pro tro mâu tơdroăng hnê mơhno dêi Ngế pro xiâm hnê ngăn Chin phuh, pôa Nguyễn Xuân Phúc, Ngế pro xiâm hnê ngăn tơnêi têa tối, troh nôkố Chin phuh [ă mâu kăn mâu kong pơlê, tơring, cheăm hiăng pêi pro tơdroăng hbrâ mơdât pơreăng êi troăng hiâm ki râ xua pơreăng ki nếo dêi virus corona pro.

Ngế pro xiâm hnê ngăn tơnêi têa tối thế kong pơlê Thừa Thiên – Huế pơtối pêi tro mâu pơkâ hnê mơhno dêi Đảng [ă Chin phuh ‘na hbrâ mơdât pơreăng, malối pro tro tơdroăng mơgrúa krúa, xôh pơkeăng kơdê pơreăng a mâu tíu ôm hyô, mâu tíu ai tơmối koi pơtê xuân môi tiah a mâu troăng klông plông xah hêi vâ tơniăn ‘na ivá ăm kuăn pơlê [ă tơmối ki ôm hyô.

Gương tơplôu [ă tơbleăng