VOV4.Sêdang - Kơxo lơ 25/2, mơgêi roh hôp Ho#i đong hnê mơhno troăng hơlâ liăn ngân, pôa Nguyễn Xuân Phúc, Ngế pro xiâm hnê ngăn tơnêi têa tối nhên, kal kơchăng, ôh tá tơngôu, mơnhên khât, séa ngăn tu\m tơdroăng xiâm tơdjâk dêi pơrea\ng COVID – 19 vâ ai troăng ki tơtro. A roh hôp, hên ngế tung Ho#i đong tối, kal pêi pro tơ’lêi tơtro ăm kuăn pơlê, khu tê mơdró, mơdât tơdroăng hrá tung mơnhông tơtêk. Pơtối thăm mơdêk mâu kơvâ cheăng, kơvâ ki ai tơmeăm tơtêk, châ tơ’lêi vâ kum kơdroh tro lu\p, hlá kơdroh tơdjâk dêi pơrea\ng. Tơdroăng hbrâ mơdât pơrea\ng châ tơ-[rê xuân cho troăng pêi ki kal vâ tơnêi têa mơnhông mơdêk.

Ngế pro xiâm hnê ngăn tơnêi têa: Tá hâi xiâm kối vâ hơ’leh pơkâ châ tơtêk

Xông tơpui mơgêi roh hôp, Ngế pro xiâm hnê ngăn tơnêi têa tối nhên, tá hâi ai xiâm kối vâ hơ’leh mâu pơkâ pêi kân, tơtêk. Ngế pro xiâm hnê ngăn tơnêi têa pơkâ mâu khu xiâm, kơvâ cheăng, kong pơlê ai pơkâ, troăng pêi tơtrâ ki tơdjâk ‘na cheăng kâ – rêh ối pơlê pơla xua pơrea\ng COVID – 19. Kal thăm mơnhên, tối hdrối, hbrâ ví tơdjâk ing pakong. Ho#i đong môi tuăn, kal pơtối pêi pro mâu pơkâ mơdât liăn chu rơpâ yă, tơniăn pêi, tơniăn tơdâng tung tơdroăng cheăng kâ, mơjiâng xiâm kối ăm mơnhông mơdêk krá tơniăn.

A Sa Ly tơplôu [a\ tơbleăng