VOV4.Sêdang - Peăng xêi lơ 12/2, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp  dêi mâu kăn tung Chin phuh, vâ tối ki tơdjâk xua virus Covid-19 [ă tơdroăng mơnhông cheăng kâ dêi tơnêi têa pin, po ngăn hlá mơ-éa chêh ‘na mơnhông cheăng kâ tung hơnăm kố. Tối nhên tơdroăng Chin phuh pơkâ pêi mâu tơdroăng pêi hơnăm 2020, Ngế pro xiâm hnê ngăn tơnêi têa tối nhên, pin thế plâ mơdat péa túa virus, môi cho Virus Covid-19, péa cho ‘’virus ki mơju cheăng kâ-rêh ối’’ ôh tá vâ pêi cheăng, xo tơdroăng tối dế ai pơreăng ôh tá chiu vâ pêi cheăng, pro tơdjâk troh hên ‘na cheăng kâ rêh ối.

Malối, Ngế pro xiâm hnê ngăn tơnêi têa tối nhên, Chin phuh hâi hơ’leh pơkâ mơnhông cheăng kâ. Mâu khu xiâm, kơvâ cheăng kal pơkâ troăng hơlâ pêi nhên khât, tah tơdroăng ki pro pá tung pêi cheăng tê mơdró, ôm hyô, tê rôe kế tơmeăm kong têa ê, mâu tơdroăng ki ê, mơhnhôk tâi tâng rêm ngế veăng pêi pro, rơtế pêi vâ kơdroh xahpá.

Ngế pro xiâm hnê ngăn tơnêi têa tối thế rêm râ, kơvâ cheăng, khu mơdró [ă kuăn pơlê thế mơ-eăm hên tâ nếo, troăng hơlâ vâ teăm tơdrêng, nhên tâ nếo, hmâ tâ nếo vâ pê klêi mâu pơkâ, hnoăng cheăng dêi hơnăm kố.

 Gương tơplôu [ă tơbleăng