VOV4.Sêdang - Kơxê lơ 28/11, a Tíu pêi cheăng Chin phuh, tơdah pôa Nguyễn Phú Bình, kăn teăng mâ, kăn xiâm hnê ngăn khu tơru\m tơpui tơno [ă mơngế Việt Nam a kong têa ê, pôa Nguyễn Xuân Phúc, Ngế pro xiâm hnê ngăn tơnêi têa tối rơhêng vâ kuăn pơlê Việt Nam ki rêh ối a kong têa ê pơtối ai mâu hnoăng veăng kum ai pơxúa tung mơnhông mơdêk tơnêi têa. Tối tơbleăng a rôh tơdah, drêng hiăng vâ chê troh Têt Lo hơnăm nếo Kỷ Hợi 2019, Ngế pro xiâm hnê ngăn tơnêi têa tối nhên, Đảng, Tơnêi têa đi đo tơmâng ngăn hnoăng cheăng mơngế Việt Nam a kong têa ê.

Ngế pro xiâm hnê ngăn tơnêi têa rơhêng vâ vâi krâ nho\ng o Việt Nam ki rêh ối a kong têa ê, kơhnâ veăng kum mơjiâng pơlê xiâm, tơnêi têa, Vi [an Tơnêi têa ‘na mơngế Việt Nam a kong têa ê, Khu tơru\m tơpui tơno [ă mơngế Việt Nam xuân môi tiah khu râ kăn pơkuâ, kong pơlê ai hên tơdroăng cheăng pêi pro ai pơxúa tơdah vâi krâ nho\ng o vêh pôu dêi pơlê xiâm, tơdah Têt tiô khôi hmâ.

Khu kăn kal po rơdâ tơdroăng pêi pro ó rơdêi, tơ’mot hên vâi krâ nho\ng o Việt Nam ki rêh ối, cheăng kâ a kong têa ê ki kơhnâ, rak vế mơdêk khôi túa le\m tro hdroâng kuăn ngo.

Katarina Nga tơplôu [ă tơbleăng