VOV4.Sêdang - Kơxê măng lơ 25/7, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng tơdah mâu khu ki tơmâng ngăn ‘no liăn cheăng tung tơdroăng tơkêa bro Hngêi kơmăi mơjiâng pro on tơhrik ki chiâng xêh a Bạc Liêu.

Tối tơbleăng a rôh tơdah, pôa Nguyễn Xuân Phúc ăm ‘nâi, Tơbăng kroăng Cửu Long cho kơpong ki ai hlâu kế tơmeăm vâ ‘no liăn cheăng tung mâu tơdroăng tơkêa bro on tơhrik ‘na hyôh khía, nôkố ai hên khu ‘no liăn cheăng dế tơmâng ngăn rơhêng vâ ‘no liăn mơjiâng hngêi kơmăi on tơhrik hyôh khía a kơpong kố.

Ngế pro xiâm hnê ngăn tơnêi têa tối rơdêi, kố cho tơdroăng tơkêa ai kơxo# liăn ‘no cheăng hên, mê tung mâu tơdroăng pêi ki lâi athế pêi kơhnâ khât, tro tơdroăng, tro túa pơkâ. Tơdroăng tơkêa bro athế rak tơniăn kơdroh ki tơdjâk troh kong prâi, yă on tơhrik athế ai tơdroăng ki tơxup tơbriât [ă rak tơniăn tro tiô tơdroăng pơkâ dêi tơdroăng tơkêa.

Katarina Nga tơplôu [ă tơbleăng