VOV4.Sêdang - A tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi  têa tơdah Tie#n sih Kidong Park, Ngế xiâm teăng mâ Khu tơru\m cheăng ‘na pơkeăng lâp plâi tơnêi (WHO) a Việt Nam. Ngế pro xiâm hnê ngăn tơnêi têa tối ‘na hbrâ mơdât pơreăng mê tơdroăng ki loi khât cho kal păng ‘nâng, ôh tá la lâi tơngôu tung tu\m tơdroăng. Việt Nam hdrối nah hiăng pơlât prêi 16 ngế, tá mâu ngế hơnăm hiăng krâ ki ai tơdroăng châi pá pơlât prêi.

Ngế pro xiâm hnê ngăn tơnêi têa tối nhên, Việt Nam ai tuăn mơ-eăm  khât vâ kâi mơdât pơreăng. Việt Nam pêi tiô troăng hơlâ tơbleăng tối tơdrăng sap ing apoăng, ôh tá kơtôa kuăn pơlê, ôh tá kơtôa lâp plâi tơnêi. Việt Nam đi đo mơ-eăm pro tơniăn plâ mơdât pơreăng tơ-[rê rơtế [ă tơdroăng hlối mơnhông cheăng kâ, tơniăn tơdroăng rêh ối dêi kuăn pơlê.

Pôa Nguyễn Xuân Phúc tối púi vâ WHO pơtối kum Việt Nam tung  tơdroăng  mơdât pơreăng xuân môi tiah tối mâu tơdroăng ăm ‘nâi ki rơkê ple\ng ‘na khoa hok kih thuât ki nếo, kum mâu rơxế, tơmeăm tơdroăng khăm pơlât ki tro má môi [ă hên ki ê.

Gương tơplôu [ă tơbleăng