VOV4.Sêdang - Kơxê lơ 19/10, pôa Phạm Minh Chính, Ngế pro xiâm hnê ngăn Chin phuh trâm mâ kăn teăng mâ ki má môi mâu râ vâi kơdrâi klăng leh tơbâ 91 hơnăm hâi mơjiâng Khu pơkuâ vâi kơdrâi Việt Nam Khên tơnôu, mâu vâi kơdrâi ki kơhnâ rơkê dêi mâu ngế ki tuăn ngôa rơkê, ngế tê mơdró, ƀok thái pơkeăng, nghê̆ sih, kŏng nhân, khu lêng, khu tơpui kâ ƀă kong têa ê, vâi kơdrâi ai tơdroăng rêh ối pá puât, vâi kơdrâi kơhnâ veăng tung hbrâ mơdât pơreăng hiăng rơtế vêh tơbâ mâu tơdroăng ki má môi tung hơnăm hiăng hluâ.

Xông tơpui a roh trâm mâ, pôa Phạm Minh Chính mơnhên, Đảng, Tơnêi têa mơnhên mâu tơdroăng pleăng ƀă hnoăng kân kĭn dêi vâi kơdrâi Việt Nam ing mâu rơxông. Kuăn pơlê mơnê hên tơdroăng ki pleăng dêi mâu Jâ Nôu Việt Nam khên tơnôu, mâu ngế nôu hiăng pleăng dêi hnoăng cheăng ƀă păn roăng mâu ngoh khên tơnôu dêi tơnêi têa.

A Sa Ly tơplôu ƀă tơbleăng