VOV4.Sêdang - Hâi lơ 25/11, a pơlê kong kơdrâm Cao Bằng, pôa Nguyễn Xuân Phúc, Ngế pro xiâm hnê ngăn tơnêi têa veăng a hneăng hôp pơkâ mơdêk ‘no liăn cheăng, tê mơdró [ă ôm hyô kong pơlê Cao Bằng 2018 pơxá Cao Bằng – rôh vâ ‘no liăn cheăng, mơnhông mơdêk krá tơniăn.

Tối tơbleăng a rôh po hneăng hôp, Ngế pro xiâm hnê ngăn tơnêi têa tối nhên, mâu tơdroăng ki kơnía tung hnoăng cheăng la ngiâ [ă ‘na tơnêi tơníu mơni kô tơku\m hên kơvâ dêi Cao Bằng.

Ngế pro xiâm hnê ngăn tơnêi têa tối tiah kố, Cao Bằng râk tung 3 troăng prôk ki xiâm, mê cho ôm hyô, pêi chiâk deăng uâ mơdiê kế tơmeăm, xúa kơmăi kơmok chal nếo [ă cheăng kâ bo cheăng.

Ngế pro xiâm hnê ngăn tơnêi têa pâ thế Đảng [o#, khu kăn pơkuâ Cao Bằng kal tối tơbleăng mâu tơdroăng troh khu ‘no liăn cheăng. Ngế pro xiâm hnê ngăn tơnêi têa pơkâ thế Cao Bằng ai troăng hơlâ kơdroh hrê liăn mơdró kâ, malối tơdroăng ki prôk lăm pro hrê hên hâi khế tơ’lêi pro ăm khu mơdró kâ ôh tá kâi chân tuăn hiâm, veăng pơkâ tơleăng tơdroăng ki ‘no liăn cheăng [ă ki pơxúa dêi khu mơdró kâ ngăn mê cho tơdroăng dêi khu mơdró kâ.

Katarina Nga tơplôu [ă tơbleăng