VOV4.Sêdang - Hâi lơ 20/8, a pơlê kong krâm Đồng Xoài, pôa Nguyễn Xuân Phúc, Ngế pro xiâm hnê ngăn tơnêi têa hiăng troh veăng hôp a hneăng pơkâ mơdêk ‘no liăn cheăng kong pơlê Bình Phước. Tối tơbleăng a rôh po hneăng hôp, Ngế pro xiâm hnê ngăn tơnêi têa mơnhên tối Bình Phước hiăng mơnhông mơdêk tâi tâng tá cheăng kâ, pơlê pơla, cheăm bêng, kring vế [ă tơpui kâ.

Ngế pro xiâm hnê ngăn tơnêi têa pơchân rêm râ, kơvâ cheăng a kong pơlê athế pơtối hơ’lêh tơdroăng ki ‘no liăn cheăng, tê mơdró [ă troh hơnăm 2020, Bình Phước athế mơ-eăm tâk péa hdroh kơxo# liăn tê mơdró nôkố tâk 10 rơpâu [ă tâk péa hdroh pêi lo liăn rêm ngế.

Kong pơlê xuân kal mơdêk tuăn hiâm tơpui kâ, tơbleăng mơnhên [ă khu mơdró kâ [ă mơdêk ki nếo ‘na troăng hơlâ, túa pơkâ mơnhông mơdêk. Ngế pro xiâm hnê ngăn Chin phuh xuân pơkâ thế kăn pơkuâ kong pơlê Bình Phước kal tơmâng ngăn tâ nếo troh tơdroăng ki mơjiâng inâi, malối cho mâu kế tơmeăm ki vâi ô eăng dêi kong pơlê môi tiah kơphế, kloăng hôt.

Katarina Nga tơplôu [ă tơbleăng