VOV4.Sêdang - Kơxê lơ 15/10, tiô chôu kong têa ê, cho kơmăng lơ 15/10 tiô chôu Việt Nam, a pơlê kong xiâm Vienna, kong têa Áo, pôa Nguyễn Xuân Phúc, Ngế pro xiâm hnê ngăn tơnêi têa veăng a hneăng hôp tơpui tơno khu tê mơdró Việt Nam – Áo xua {ơrô Kơmăi kơmok [a\ tê mơdró Việt Nam tơru\m [a\ {ơrô tê mơdró kong pơlê kân Áo tơku\m po. Hneăng hôp veăng amê ai dâng vâ chê 200 khu tê mơdró péa tơnêi têa, tung mê, ai dâng 60 khu tê mơdró Việt Nam tung mâu kơvâ pêi chiâk deăng, rak ngăn liăn ngân, pơkuâ on tơhrik ki vêh pro, cheăng kơmăi kơmok, mơnhông hngêi trăng, troăng klông, khăm pơlât [a\ hía hé. Hneăng hôp tơpui tơno khu tê mơdró Việt Nam – Áo roh kố cho po kân má môi sap ing hdrối nah troh nôkố.

Xông tơpui a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa hiăng tối tơbleăng troh mâu khu mơ’no liăn cheăng kong têa Áo ‘na tơmeăm ki ai hlâu [a\ roh tơ’lêi mơ’no liăn cheăng a Việt Nam, pói vâ mâu khu tê mơdró Áo mơ’no liăn ‘na mâu kơvâ pêi chiâk deăng xúa kơmăi kơmok rơxông nếo; kơmăi kơmok uâ mơdiê, ki má lối cho uâ mơdiê tơmeăm pêi lo ing chiâk deăng [a\ hên troăng prôk vâ tê ngi kong têa ê [a\ hía hé.

Xuân tung hâi mê, pôa Nguyễn Xuân Phúc, Ngế pro xiâm hnê ngăn tơnêi têa hiăng tơdah khu kăn pơkuâ mâu khu tê mơdró má môi dêi Áo tung hên kơvâ cheăng.

A Sa Ly tơplôu [a\ tơbleăng