VOV4.Sêdang - Xông tơpui a hneăng hôp Khu kăn lâp tơnêi têa Khu Sinh viên Việt Nam rôh má 10, kơxo lơ 10/12, pôa Nguyễn Xuân Phúc, Ngế pro xiâm hnê ngăn tơnêi têa pơchân mâu sinh viên cho khu ngế ki hmâ tro mâu khu ‘mêi ki pơlông djâ, pro tơdroăng ôh tá tro.

Ki păng ‘nâng gá hiăng ai sinh viên tro mâu khu ki ‘mêi mơhnhôk, lông djâ ai mâu tơdroăng pêi ôh tá tro luât, prôk phá tơ-ê [ă tơdroăng pơkâ, tuăn hiâm dêi kăch măng dêi Đảng [ă hdroâng mơngế. Xua mê, kal athế tơmâng ngăn hriâm pât tuăn hiâm kal kí, pôi tá ăm sinh viên tro hía tuăn hiâm kăch măng, ôh tá hơngế tiô khôi túa le\m tro dêi hdroâng mơngế.

Ngế pro xiâm hnê ngăn tơnêi têa pơchân hnoăng cheăng Khu athế tơmâng ngăn troh tơku\m sinh viên tung chal nếo, tung hnoăng cheăng kơmăi kơmok ki hơ’lêh nếo 4.0, xúa kơmăi kơmok ki ó rơdêi tung tơku\m droh rơtăm tung lâp plâi tơnêi, malối cho sinh viên Việt Nam a mâu kong têa ê.

Ngế pro xiâm hnê ngăn tơnêi têa xuân pơkâ thế mâu hngêi trung tơmâng ngăn troh hnoăng cheăng sinh viên, tá liăn ngân, tá tuăn hiâm.

Katarina Nga tơplôu [ă tơbleăng