VOV4.Sêdang - Kơxê hâi lơ 9/1, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa veăng hôp mơgêi ‘na liăn ngân dêi tơnêi têa hơnăm 2018 [ă pơkâ pêi pro hnoăng cheăng liăn ngân tơnêi têa hơnăm 2019.

Xông tơpui hnê tối a hneăng hôp mê, Ngế pro xiâm hnê ngăn hiăng pâ thế Khu xiâm rak liăn mơ’no tối, pêi pro tro tiô hnoăng cheăng ‘na kơvâ mơdró kâ ‘na tơdroăng ki rak vê tiô luât vâ ai hnoăng cheăng pêi tơdâng tơ’mô, mơnhên, tơdrăng.

Tâng khu mơdró kâ ki lâi rak vế, pêi pro tro tiô luât mê ôh tá eâ kal séa mơnhên, êng mơnhên ah lơ pro pá ăm khu mơdró kâ. Ngế pro xiâm hnê ngăn ai pơkâ hnoăng cheăng ki xiâm kơdo mơ-eăm kho\m châ xo liăn ngân, cheăng kâ tung hơnăm 2019 châ  lối 1 rơtal 500 rơtuh liăn; châ pêi lo a kơlo 3,5% GDP; kơdroh tơdroăng ki mơ’no liăn đi đo chu ối dâng 63% tung tâi tâng kơxo# liăn tơdjuôm dêi tơnêi têa.

La ki hdrối tâ, kơvâ rak liăn ngân kal pêi cheăng ki mơdêi tâ, tơru\m ‘na kơvâ cheăng [ă túa ki hơ’lêh cheăng châ tơtêk hên tâ.

Nhat Lisa tơplôu [ă tơbleăng