VOV4.Sêdang - Kơxo lơ 7/1, pôa Nguyễn Xuân Phúc, Ngế pro xiâm hnê ngăn tơnêi têa veăng leh pro klêi tíu tơbâ mâu ngế hlâ ai hnoăng a Núi Quế - Anh Linh Đài a cheăm Quế Phú, tơring Quế Sơn, kong pơlê Quảng Nam. Xông tơpui a hâi leh, pôa Nguyễn Xuân Phúc tối tơbâ rôh tơplâ a Núi Quế khế 5/1965.

Pôa Nguyễn Xuân Phúc, Ngế pro xiâm hnê ngăn pôe ché leh tơbleăng mơjiâng pro klêi Tíu tơbâ mâu ngế hlâ ai hnoăng tơplâ a Núi Quế

Tung rôh tơplâ mê, mâu lêng pro tơleăng le\m dế mê nah dế 18 troh 20 hơnăm hiăng khên tơnôu tơplâ troh tá hlâ a tơnêi ki kố. Tơdroăng tơbâ troh mâu ngế hlâ xua tơplâ vâ hnê ‘na hiâm tuăn pâ nhoăm tơnêi têa ăm mâu hơnăm ối nếo cho môi tơdroăng pêi pro ki kal khât. Tíu xối tơbâ kơ mâu ngế hlâ ai hnoăng tơplâ a Núi Quế - Anh Linh Đài tá xê to tíu ki tơbâ troh mâu ngế hiăng hlâ mê ối cho tíu ki troh hnê tơbâ tơdroăng pâ nhoăm tơnêi têa ăm rơxông nếo, hlối cho tíu ki tơbâ ăm pôi tá piu, mơjiâng pro tíu ki mê le\m ro a rơnâk ngo Núi Quế.

Rôh kố, pôa Nguyễn Xuân Phúc pơcháu 40 kơxu tơmeăm ăm nôu pâ nho\ng o dêi 40 rơpo\ng ki ai ngế hlâ tơplâ a ngo Núi Quế, cheăm Quế Phú, tơring Quế Sơn, kong pơlê Quảng Nam.

Gương tơplôu [ă tơbleăng