VOV4.Sêdang - A pơlê kong kân Đà Nẵng, veăng hôp khu droh rơtăm pơxiâm tăng cheăng pêi hơnăm 2018, pôa Nguyễn Xuân Phúc, Ngế pro xiâm hnê ngăn tơnêi têa pin ai mơnhên tối, kô pơkâ pêi pro tiô troăng hơlâ tiah tơdroăng ki Chin phuh hiăng pơkâ ki athế hloh hlê rơkê ple\ng tiô chal nếo [ă pơxiâm djâ tơdroăng cheăng pêi, tơkéa vâ tối kô athế trâm mâu tơdroăng ki xahpá tung mâu khu mơdró kâ ki hơ’lêh túa cheăng nếo.

Chin phuh xuân séa mơnhên ngăn ‘na tơdroăng ki mơhnhôk khu râ vâ tí tăng kal vâ rôe xúa tơmeăm khoăng tung pơxiâm tăng cheăng pêi. Ngế pro xiâm hnê ngăn hiăng pơcháu ăm Khu xiâm pơkuâ tơdroăng cheăng, Khu xiâm rak ngăn liăn ngân, Khu xiâm hriăn ngăn cheăng khoa hok, cheăng kơmăi kơmok athế re\ng hriăn ple\ng, mơnhên tối mâu tơdroăng ki nhên vâ tơbleăng ăm Ngế pro xiâm hnê ngăn Chin phuh ki pêi tiô hnoăng cheăng rơkê pleng [ă chal nếo, pơxiâm tăng cheăng pêi, kố châ ngăn cho tơdroăng ki tơtro [ă veăng kum vâ mơnhông drêng trâm tơdroăng ki ôh tá hâi tơniăn [ă mâu khu mơdró kâ ki hơ’lêh nếo, xua kố cho môi kơvâ cheăng ki ‘no liăn cheăng ki pá [ă kô trâm hên tơdroăng pơloăng mơnúa.

Nhat Lisa tơplôu [ă tơbleăng