VOV4.Sêdang - Hâi lơ 7/7 2017, tiô rơkong krếo thế dêi jâ Angela Merkel, Ngế pro xiâm hnê ngăn kong têa Alơmăng, pôa Nguyễn Xuân Phúc, Ngế pro xiâm hnê ngăn tơnêi têa pin hiăng pơkuâ djâ khu kăn xiâm Việt Nam veăng pêi pro mâu tơdroăng cheăng dêi Hneăng hôp khu râ kăn G20 a pơlê kong kân Hamburg, kong têa Alơmăng.

Châ krếo tơpui tơbleăng cho ngế ki tơmâng a rôh hôp tơpui tơno ‘na mơnhông mơdêk krá ton la ngiâ, hơ’lêh hyôh kong prâi [ă on tơhrik, pôa Nguyễn Xuân Phúc hiăng tơbleăng tơdroăng ki kal dêi roh mơdêk tơru\m cheăng hbrâ ví hyôh kong prâi hơ’lêh.

Ngế pro xiâm hnê ngăn tơnêi têa tối rơdêi Việt Nam cho môi tung mâu kong têa ki tơdjâk ó má môi dêi hyôh kong prâi hơ’lêh, têa kơx^ tâk đik, pak^ng mê, xuân tơdjâk troh ki ‘mêi dêi tơdroăng tí tăng xo [ă xúa ôh tá tơniăn ton tơmeăm khoăng têa kroăng Mekong.

Pôa Nguyễn Xuân Phúc tối, Việt Nam kô mơ-eăm pê tâi tâng vâ re\ng pê klêi 17 tơdroăng mơnhông mơdêk krá tơniăn ton xo\n dêi Khu lâp kong têa, tung mê, pêi pro ahdrối ‘na mâu tơdroăng kơdroh kơtiê, hnê hriâm, hbrâ ví [ă hyôh kong prâi hơ’lêh.

Gương tơplôu [ă tơbleăng