VOV4.Sêdang - Kơxê lơ 21/9, pôa Trần Tuấn Anh, kăn xiâm pơkuâ ngăn cheăng kơmăi kơmok [ă tê mơdró ai rôh pêi cheăng [ă Vi [an hnê ngăn kong pơlê Gia Lai ‘na tơdroăng cheăng kâ rêh ối pơlê pơla [ă mâu tơdroăng cheăng dêi khu ngăn cheăng kơmăi kơmok [ă tê mơdró tung 9 khế hiăng luâ a kong pơlê.

Sap ing apoăng hơnăm troh nôkố, mâu tơdroăng pơkâ cheăng kâ rêh ối pơlê pơla dêi Gia Lai pơtối châ rak vế tơniăn [ă tâk tâng vâ pơchông [ă khế kố hơnăm nah. Nâp liăn tơnêi tiô riân châ lối 3.200 rơtal liăn, tung tâi tâng tơdroăng ki kơnía dêi pêi cheăng kâ xúa kơmăi kơmok châ vâ chê 14 rơpâu rơtal liăn, tâk vâ chê 10%.

A roh pêi cheăng, Khu kăn pơkuâ kong pơlê Gia Lai pâ thế Khu xiâm ngăn cheăng kơmăi kơmok [ă tê mơdró tơmâng ngăn, k^ pơkâ mâu tơdroăng tơkêa ‘na on tơhrik kơtâu [ă hyôh tô mâ hâi, on tơhrik kơtâu ing khía mơhot a kong pơlê, hnê mơhno Grup pơkuâ On tơhrik Việt Nam tối tơbleăng mâu tơdroăng tơkêa bro tơdroăng pơkâ, to\ng kum mơjiâng pro hngêi trăng, troăng klông a mâu kơpong cheăng kâ ki xiâm dêi kong pơlê.

Ngế xiâm ngăn ‘na cheăng kơmăi kơmok [ă tê mơdró pơkâ thế kong pơlê Gia Lai kal tơtro\ng troh tơdroăng tơru\m cheăng [ă khu mơdró kâ [ă mơnhông mơdêk xúa kơmăi kơmok uâ mơdiê kế tơmeăm vâ pro tíu ki xiâm [ă tơniăn ‘na yă ăm mâu kế tơmeăm ki pêi lo ing chiâk deăng ki xiâm dêi kong pơlê.

Katarina Nga tơplôu [ă tơbleăng