VOV4.Sêdang - Hâi lơ 20/9, pôa Trần Tuấn Anh, Ngế xiâm ngăn ‘na kơmăi kơmok [ă mơdró kâ tơnêi têa hiăng ai roh pôu, pêi cheăng [ă Khu kăn hnê ngăn Vi [an kong pơlê Dak Lak ‘na hnoăng cheăng dêi kơvâ cheăng kơmăi [ă mơdró kâ a kong pơlê kố.

Tơpui a chôu phut pêi cheăng, pôa Trần Tuấn Anh hiăng mơnhên tối mâu tơdroăng pói vâ châ chiâng dêi kong pơlê; klêi mê, pâ thế mâu khu râ ki cheăng a tíu xiâm dêi tơnêi têa tơdjêp tơru\m [ă kong pơlê Dak Lak vâ kum kong pơlê kố tah lôi mâ tơdroăng ki ối xahpá, tơvâ tơvân, ing mê, ‘’pơtôu hiâm mơno, thăm mơdêk hnoăng cheăng’’ troăng hơlâ ki tơ’lêi hlâu ‘na cheăng kơmăi (malối ‘na mơjiâng pro, uâ mơdiê tơmeăm pêi lo ing chiâk deăng, ká xixo\ng ki păn), mơjiâng on tơhrik ki ai xêh ing kong prâi, môi tiah on tơhrik kơtâu [ă khía mơhot, on tơhrik kơtâu ing hyôh tô dêi eăng trâ mâ hâi, ing mê, veăng kum mơnhông pêi cheăng kâ, pêi lo hên kế tơmeăm, mơnhông rêh kâ ối pơlê pơla, kum kuăn pơlê thăm pêi lo tơ’nôm liăn ngân, mơdêk tơdroăng rêh ối rế niân dêi kuăn pơlê.

Peăng kong pơlê Dak Lak, kal athế séa mơnhên vâ ‘nâi tơmeăm khoăng, ivá ki ai xêh hlâu, kal athế hơ’lêh ‘na túa chêh bro hlá mơ-éa, ‘mâi rơnêu kơlo ki tơbriât tê mơdró kế tơmeăm [ă hên mâu tơdroăng ki ê vâ ing mê tơ’mot hên khu ‘no liăn veăng kum mơjiâng pro hên mâu tơdroăng cheăng ki vâ mơnhông krá tơniăn la ngiâ.

Nhat Lisa tơplôu [ă tơbleăng