VOV4.Sêdang - Ngế ki xup um inâi Nguyễn Thành Trung, ối a bêng Lộc Tiến, pơlê kong kơdrâm Bảo Lộc, kong pơlê Lâm Đồng ti xê hâk vâ to xup um 'na mâu tơnêi tơníu le\m dêi pơlê, cheăm, tơnêi têa mê pôa ối hâk vâ pleăng dêi hnoăng pro hngêi hiâm mơno le\m hbru ăm mâu ngế kơtiê. 32 toăng hngêi kơnâ vâ chê 2 rơtal liăn châ pôa Trung veăng kum tơlo pro vâ chê 4 hơnăm kố, hiăng kum hên mâu ngế ki xơpá mơ-eăm cheăng kâ tơniăn tung rêh ối.

 Pôa Nguyễn Thành Trung hmâ [a\ tơdroăng mơjiâng pro hngêi tuăn pâ sap a hơnăm 2017. Tung môi xôh lăm xup um a cheăm Dà Mri, tơring Dà Huoai, kong pơlê Lâm Đồng hlo tơdroăng rêh ối dêi ngế nôu tro pơrea\ng kôk rơxok păn péa ngế kuăn ối ku\n rêh ối tung toăng hngêi pơtân. Ki khât cho hnoăng vâ xup kong kế, mê pôa hiăng xup mâu ngế tung toăng hngêi ku\n pak^ng troăng. Hơ-ui ăm rơpo\ng dêi 3 ngế nôu kuăn K’Tôi, pôa hiăng tơbleăng mâu um mê tung măng pơlê pơla vâ ti tăng mơngế veăng kum. Mâu chư chêh dêi mâu ngế hơ-ui kum pâ veăng tơlo liăn đi đo châ pơtroh, bu tá hâi môi khế hiăng ai tơdroăng to\ng kum ing pơlê pơla châ 60 rơtuh liăn hiăng châ pơtroh ăm pôa vâ to\ng kum mơjiâng toăng hngêi tuăn pâ.

Troh nôkố hiăng châ 3 hơnăm, pôa pơtối pro 32 toăng hngêi tuăn pâ ki ê châ pôa pơtâng mơhnhôk pơlê pơla veăng tơlo to\ng kum mơjiâng hngêi diâp ăm mâu ngế kơtiê a mâu kong pơlê Cà Mau, Đồng Nai, Ninh Thuận, Bình Thuận, Dak Lak [a\ Lâm Đồng, [a\ kơxo# liăn vâ chê 2 rơtal liăn.

Ngế xup um Nguyễn Thành Trung mơhnhôk mơjiâng hngêi ăm mâu rơpo\ng pá puât

 Hơnăm 2017, pôa Lê Trung Thảo, ối a [uôn D’Lây, cheăm Nam Ka, tơring Lăk, kong pơlê Dak Lak cho ngế tơdah toăng hngêi ối ki nếo, xua ngế xup um Nguyễn Thành Trung mơjiâng diâp ăm. Pôa Thảo rơrêk tung hiâm mơno xua hiăng hluăn ing tơdroăng rêh ối pơtân hên hơnăm tung toăng hngêi xi, kơchoh, hiăng tơ’nhê:

‘’Rơpo\ng á mơnê meh Trung [a\ mâu ngế hơ-ui kum hiăng tơmâng kum [a\ to\ng kum ăm rơpo\ng á mơjiâng pro châ môi toăng hngêi. Á pói vâ hên ngế môi tiah á kô châ tơmâng to\ng kum môi tiah mê há vâ ai tơdroăng rêh ối rế hía rế tơniăn’’.

Môi tiah mê, mơ’nui hơnăm 2019, rơpo\ng ngoh Hoàng Chí Trung ối a thôn 8, cheăm Lộc Nam, tơring Bảo Lâm, kong pơlê Lâm Đồng xuân mơhúa châ tơdah toăng hngêi nếo ing ngế xup um Nguyễn Thành Trung mơjiâng pro diâp ăm. Ngoh Trung hơ’muăn, hdrối nah ngoh cho thái hnê râ má 1 hơp đong, nôu pâ rêh ối hơngế, tơdroăng rêh ối trâm hên pá puât xua mê on veăng thế mung hngêi ối.

Hơnăm 2019, ngoh châi plâi nuih rơpo\ng mung lối 200 rơtuh liăn lăm troh a pơlê kong kân Hồ Chí Minh pơlât. Xua ivá châ chăn ôh tá tơniăn xua mê hngêi trung pơtê lôi hơp đong, tu\m tơmeăm khoăng ki kal vâ rôe, liăn rôe pơkeăng, pơlât kơnôm to a kơxo# liăn khế lăm hnê dêi kơdrâi. Tơdah toăng hngêi nếo xua meh Trung krếo djâ mâu ngế hơ-ui kum tơlo ăm mơjiâng toăng hngêi, ngoh Trung rơrêk tung hiâm mơno:

 ‘’Á châi tamo xua mê tơdroăng cheăng kâ cho pá puât 'nâng, xuân ôh tá ‘nâi troh la lâi nếo châ mơjiâng pro hngêi ăm kơdrâi kuăn ‘ne\ng. Mơhúa xuân kơnôm meh Trung [a\ mâu ngế ai tuăn hơ-ui kum hiăng hơ-ui kum rơpo\ng á châ hngêi nếo. Rơpo\ng á phiu ro 'nâng. Ing toăng hngêi kố rơpo\ng kô mơ-eăm tơkâ hluâ pá xua châi tamo. Rơpo\ng á phiu ro. Ing toăng hngêi kố rơpo\ng á kô mơ-eăm tơkâ hluâ tơdroăng châi tamo, mơ-eăm tung tơdroăng rêh ối’’.

Hên ngế to\ng kum tơmeăm khoăng, gât, liăn vâ ngế xup um Nguyễn Thành Trung mơjiâng hngêi diâp ăm mâu ngế kơtiê

Drêng hiăng châ 67 hơnăm, ki tro gá thế ối pơtê, rêh ối [a\ kuăn cháu, ngế xup um Nguyễn Thành Trung pơtối pêi dêi tơdroăng ki tơná hâk vâ pleăng hnoăng cheăng kum mơngế kơtiê. {a\ kơmăi xup um pôa ôh tá xê to rak vế mâu tơdroăng ki le\m dêi kong kế [a\ tơdroăng rêh ối ki pôa rak mâu tơdroăng rêh ối kơtiê pá puât tung tung mâu hơnăm ki roh pôa hiăng prôk tơkâ hluâ.

’Hlo tơdroăng rêh ối pá puât, á hmâ lăm troh mâu tíu mê vâ ngăn hôm kâi vâ chiâng kum vâi há. Tâng ôh ai mâu ngế á hlo dâng 5 troh 7 hơnăm nếo vâi ôh tá kâi tơkâ hluâ pá puât mê á tối. Ai ngế vâi hlo á tối nhên châ kum tơdrêng hlối, ai mâu toăng hngêi á pâ tung pơla 3 hâi cho ai 5 troh 60 rơtuh liăn. Ai drêng á nếo tối tơbleăng ai ngế pâ veăng tơlo liăn mơjiâng pro hngêi hlối. Xua vâi loi tơngah á cho drêng pơcháu liăn á ôh tá xo môi xu khếi dêi mâu ngế kơtiê. {a\ troăng hơlâ á pêi pro xuân môi tiah drêng pêi cheăng [a\ mâu pơlê mê á xuân tối ôh tá ăm tơklêh môi xu ki lâi lo ing ko\ng dêi mơngế kơtiê’’.

Tá xê to kơhnâ mot tung măng pơlê pơla mơhnhôk mâu khu ai hiâm mơno hơ-ui kum, pôa Trung ối mơhnhôk dêi nho\ng o, pú hmâ rơtế tơdjuôm ivá kum, kum tơmeăm vâ mơjiâng tơ’nôm hên toăng hngêi tuăn pâ diâp ăm mâu ngế kơtiê. Mâu tơdroăng pêi pơxúa dêi pôa hiăng kum ăm hên rơpo\ng kơtiê rêm hâi tơniăn tơdroăng rêh ối.

Tuấn Anh chêh

A Sa Ly tơplôu [a\ tơbleăng