VOV4.Sêdang - Hên khu tê mơdró ôm hyô a Đà Lạt – Lâm Đồng xuân hiăng krếo tô pá puât xua tá hâi chiâng vâ lôu péa tơdah tơmối. Xiâm kối ki kân cho mâu ngế pêi cheăng tung kơvâ pơrá tá hâi châ pâk tu\m péa trum vaccine tiô pơkâ

Sap ing hâi Chin phuh tơbleăng pơkâ 128 ‘na ‘’pơkâ pơtân kâi trâng tơniăn, [ea\n [e\ng rơkê, mơdât châ tơ-[rê pơrea\ng COVID-19’’, kong pơlê Lâm Đồng thăm pêi pro tơdroăng mơnhông pêi kâ, tê mơdró tung tơdroăng rêh ối tiah hmâ nếo, pôa Lê Hồng Thanh, Kăn pơkuâ môi tíu ăm ối pơtê ôm hyô tíu xiâm pơlê kong kơdrâm Đà Lạt phiu ro. Tung tơdế hơnăm hngêi ăm tơmối kâ koi ối pơtê kl^ng péa xua COVID-19, nôkố hiăng ai roh vâ vêh pêi cheăng. Laga, nôkố hngêi ăm tơmối kâ koi ối pơtê dêi pôa xuân tá hâi chiâng vâ pêi cheăng xua mâu ngế pêi cheăng xuân tá hâi pâk châ tu\m 2 trum vaccine tiô pơkâ. Pôa Thanh khéa kho, tối:

Tíu xiâm pơlê kong kơdrâm Đà Lạt, tíu ai tơmeăm hên vâ mơnhông ôm hyô tung tơdroăng tiah hmâ nếo

Sap khế 6/2021 troh nôkố hngêi ăm tơmối kâ koi ối pơtê pơtê pơtân pêi cheăng, mơhé hiăng vêh lôu péa laga ôh tá chiâng tơdah tơmối xua pơkâ ki Khu xiâm pơkuâ ngăn pơkeăng [a\ khăm pơlât pơkâ mơ’no cho thế pâk tu\m 2 trum vaccine [a\ mơngế pêi cheăng ôm hyô, tơdrêng amê mâu ngế pêi cheăng tung hngêi ăm tơmối kâ koi ối pơtê bu nếo pâk trum má 1 tê. Tiô pơkâ, tâng pâk trum má péa mê thế tơkôm 6 măng t^ng, mê cho troh mơ’nui khế 11 ngin nếo châ pâk. {a\ tơdroăng pêi pro pơkâ tơ’nôm 14 hâi nếo, mê troh tơdế khế 12, mê cho tâi hơnăm nếo châ tơdah tơmối. Mê cho tơdroăng ki tro lup kân ăm kơvâ ôm hyô Đà Lạt’’.

Tiô pôa Nguyễn Viết Vân, Kăn pơkuâ mơhno túa le\m tro, Tơ’noăng ivá [a\ ôm hyô kong pơlê Lâm Đồng, tâi tâng kơvâ ôm hyô ai chât rơpâu ngế pêi cheăng, krê hngêi ăm tơmối kâ koi ối pơtê, tíu ối pơtê ai troh lối 18.500 ngế pêi cheăng kal vâ pâk vaccine.

Laga tâi tâng mâu hngêi ăm tơmối kâ koi ối pơtê a Đà Lạt tá hâi chiâng lôu péa tơdah tơmối ôm hyô ing kong pơlê ki ê

Mơhé kong pơlê Lâm Đồng hiăng to\ng kum xing xoăng kơjo kơxo# vaccine ăm kơvâ ôm hyô, môi tung mâu kơvâ cheăng kâ ki xiâm dêi kong pơlê, laga troh nôkố xuân dế nếo pâk châ trum má 1. Xua mê, nôkố xuân tá hâi chiâng vâ pêi cheăng, tơdah tơmối. Tơdroăng kố ngin hiăng pâ thế Vi-[an kong pơlê Lâm Đồng vâ ti tăng troăng vâ tơleăng.

Ngin hiăng lăm séa ngăn tâi tâng mâu tíu ăm ối pơtê, kơpong, tíu ôm hyô tung pơla kố nah. Ki rơhêng vâ tối cho a Đà Lạt, drêng pêi lo liăn kơvâ ôm hyô châ troh 79% laga hiăng kl^ng péa vâ chê plâ hơnăm kố. {a\ pâk vaccine, nôkố [a\ khu pêi ôm hyô sap ing Đà Lạt troh Cát Tiên pơrá hiăng châ pâk vaccine laga bu nếo pâk trum má 1. Á hiăng pâ thế [a\ Khu hnê mơhno xuân môi tiah Vi-[an kong pơlê kô kơjo re\ng má môi ăm kơvâ ôm hyô vâ ai tu\m, tah lôi mâu tơdroăng pá puât, tơvâ tơvân ăm tâi tâng mâu tíu cheăng ôm hyô tung la ngiâ’’.

Rơtế [a\ mơ-eăm re\ng pâk vaccine trum má 2, tơniăn pơkâ vâ tơdah tơmối, kơvâ ôm hyô Lâm Đồng xuân dế kêi đeăng Khu túa pêi tơniăn tung hbrâ mơdât [a\ tơdroăng ôm hyô dêi kong pơlê. Ai tiah mê, Đà Lạt – Lâm Đồng nếo cho tíu troh tơniăn dêi tơmối ôm hyô tung rơxông tơniăn tiah hmâ nếo./.

Quang Sáng chêh

A Sa Ly tơplôu [a\ tơbleăng