VOV4.Sêdang - Tá hâi teăm rơnêu kế tơmeăm ki tro lu\p ó xua kong mêi têa kân lân lu tung dế khế 10, mê kuăn pơlê mâu kong pơlê peăng tơdế tơnêi têa trâm pá puât hên xua têa pơtối ai têa kân lân lu nếo. Troh kơxo hnah, lơ 2 khế 11, kong mêi têa kân lân lu a kong pơlê Quảng Bình hiăng pro 2 ngế hlâ, 5 ngế tro rong; lối 18 rơpâu toăng hngêi tro lân lu. Vi [an kong pơlê Quảng Bình hnê mơhno mâu khu râ, kơvâ cheăng, tíu pêi cheăng, khu mô đo#i gâk kring tíu tơkăng kong, ko\ng an [a\ đoân viên droh rơtăm lăm troh a tíu ki têa kân lân lu kum kuăn pơlê. Khu kăn pơkuâ xuân dế tơku\m mơngế pêi cheăng [a\ kế tơmeăm khoăng vâ rơnêu troăng tơ’nhê ó, rơnêu mâu troăng ki ‘mêi ‘mâk.

A kong pơlê Quảng Trị, kơxo lơ 02 khế 11 têa kân lân lu tung kong pơlê hiăng xiâ, kuăn pơlê hiăng văng, pro mơgrúa dêi mâu hngêi trăng, tơmeăm khoăng. A tơring Cam Lộ, cho tơring ki tro tơdjâk ó má môi xua kong mê têa kân lân lu hiăng mơhnhôk tâi tâng mâu ko\ng an, lêng, droh rơtăm pleăng dêi hnoăng cheăng, khu lêng kring vế troh a tơring vâ kum kuăn pơlê ‘mâi mơnhông dêi mâu kế tơmeăm. Nôkố mâu khu lêng dế re\ng pro, ‘mâi mơnhông mâu tơmeăm, môi tiah hngêi pơkeăng cheăm, hngêi trung hriâm, go#m văng mâu loăng ki tơđôu kơtong, kui tah trâp a mâu troăng. Kơxo hnah, kăn pơkuâ tơring Cam Lộ, kong pơlê Quảng Trị hiăng séa ngăn a mâu long, rơchoâ, hnê mơhno tơdroăng ki kơdoăng mơ’no têa, tơtro vâ pôi tá tơdjâk troh kuăn pơlê.

A kong pơlê Bình Định, kong mêi kân to lâi hâi kố nah hiăng pro lu\p kế tơmeăm khoăng a mâu tơring Vĩnh Thạnh, Hoài Ân, Phù Mỹ [a\ Hoài Nhơn. Tung mê, 2 toăng hngêi tro tơhnâp, 18 toăng hngêi tơtêa kuâ, 1 rơpâu 200 toăng hngêi tro têa kân lân lu. Hên troăng kân thôn pơlê, hno têa tro tơhnâp châ rơpâu met kho#i. Rơpâu hectar prá alâi, kơpôu ro chu tro mơhiu. Troăng kân Vĩnh Kim – Vĩnh Sơn [a\ troăng kân achê long têa Định Bình tro tơhnah tơhnâp pro pá vâ prôk lăm drô troăng. Pôa Trần Quốc Lại, Kăn hnê ngăn Vi [an tơring Vĩnh Thạnh, kong pơlê Bình Đinh tối ăm ‘nâi, kong pơlê dế thâ xe\n kuăn pơlê troh a tíu tơniăn, rơnêu kế tơmeăm ki tơ’nhê xua kong mêi têa kân lân lu.

A Sa Ly prếi Katarina Nga tơplôu [ă tơbleăng