Tung kong pơlê Dak Lak ai 51 Khu pêi cheăng tơrŭm veăng pêi pêt ƀă tê tơmeăm pê lo ăm khu mơdró. Mâu Khu tơrŭm cheăng pro pơxúa kân ăm Khu pêi cheăng tơrŭm tung tơdroăng kơdroh mâu kơxô̆ liăn ‘no, pêi pro ki hên, tơƀrê mâu tơmeăm pê tơdâng tơ’mô, pêt loăng plâi krá tơniăn ƀă tê mơdró tơniăn.

Tiô pôa Huỳnh Bài, Kăn hnê ngăn Khu pêi cheăng Tơrŭm kong pơlê Dak Lak tối, vâ mơdêk tơrŭm cheăng pơla mâu khu tơrŭm ƀă mâu khu mơdró, mâu hơnăm hdrối khu pêi cheăng tơrŭm hiăng mơdêk tơdroăng cheăng hnê tối, kơjo kum, tung mê tơmâng kum hnê hriâm, hnê cheăng pêi ăm mâu kăn ƀô̆, mâu ngế tung khu pêi cheăng tơrŭm, ăm hriâm tơ’nôm ‘nâ túa cheăng pơkuâ ngăn, rak ngăn, mơjiâng tơdroăng tơkêa pro, séa ngăn, tí tăng ngăn.. mơdêk tơƀrê kơxxô̆ liăn pê lo ăm mâu khu pêi cheăng tơrŭm.

Pakĭng mê, tơrŭm ƀă hên tơdroăng cheăng kơjo kum tê mơdró, po rơdâ tăng tíu tê mơdró ing tơdroăng tơbleăng tơmeăm pê lo dêi Khu pêi cheăng tơrŭm veăng po kơchơ, mơđah tơbeăng kế tơmeăm tung kong pơlê ƀă kong pơlê ki ê.