Veăng tơ’noăng ai 36 túa kơphế xú lĕm Arabica châ rah xo ing mâu pro kơdrum deăng dêi kuăn pơlê a kong pơlê Lâm Đồng pêt a tíu ki a ‘ngêi lối 1.000m tâng vâ pơchông ƀă rơgâ têa kơxĭ. Mâu deăng kơphế Arabica tơ’noăng mê châ tơ’noăng sap ing pêi, têng kơ óu, uâ liê, hơ’lâk ôu thế tro tiô pơkâ Lâp plâi tơnêi.

Mâu ngế rơkê mơnúa  xú ôu ngăn kơphế ki pê lo tung tơnêi têa ƀă lâp plâi tơnêi vâ châm điêm  tơ’noăng ƀă vâ mơhá pro ăm mâu túa kơphế ki châ tơ’noăng rôh má mơ’nui. Hneăng tơ’noăng châ tơkŭm po mơdêk ki tơƀrê  dêi kơphế Aêabica Việt Nam. Pakĭng mê, cho xiâm, mơnhông mâu rơpŏng ki pêi chiâk châ tơmâng khât tung pêi pêt rak ngăn, mơdêk ki pơxúa  dêi kơphế Arabica, tơbleăng túa kơphế kố troh kơchô tê mơdró lâp plâi tơnêi.

Tung tơdroăng tơ’noăng ối pêi mâu tơdroăng pro ăm mơnúa ôu vâ ’nâi túa  hơ’lêk pro ôu kơphế  ki xú lĕm, tơpui a hneăng hôp ai tối tơdroăng uâ pêi pro kơphế ing mâu rơpŏng kuăn pơlê, khu cheăng khoa hok ƀă mâu ngế rơkê.