Dak Lak ai tŭm kơxô̆ liăn ăm pêt mơjiâng tơmeăm, tê mơdró kơphế
Thứ bảy, 06:27, 20/04/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Yă kơphế đi đo tâk tung pơla kố nah hiăng tơdjâk troh tơdroăng mung liăn vâ pêt mơjiâng, tê mơdró kơphế a kong pơlê Dak Lak. Hngêi arak liăn tơnêi têa Việt Nam tíu pêi cheăng a Dak Lak hnê mơhno mâu khu ăm mung liăn tung pơlê tơdâng kơxô̆ liăn, kơjo kơlo mung liăn tŭm tơdrêng tơdroăng kal mung liăn ăm kuăn pơlê ƀă khu tê mơdró.
Dak Lak nôkố ai 37 tíu pêi cheăng hngêi arak liăn, 12 kơxô̆ mung liăn kuăn pơlê ƀă 266 tíu pro hlá mơ-éa mung hngêi arak liăn a mâu cheăm, bêng, pơlê kân, cho bê ăm tơdroăng kal mung liăn pêt mơjiâng tơmeăm, tê mơdró, xúa dêi kuăn pơlê, khu tê mơdró. Troh nôkố, kơxô̆ liăn chĕn ăm mung liăn kơvâ kơphế a Dak Lak châ lối 19.300 rơtal liăn, châ vâ chê 14% tâi tâng kơxô̆ liăn chĕn.
Hơnăm kố, mâu khu ăm mung liăn tung kong pơlê ‘măn dâng 7.500 rơtal liăn vâ ăm mung kum tung tơdroăng rôe, uâ pro kơphế. Pôa Lê Văn Lương, Kăn phŏ pơkuâ Hngêi arak liăn tơnêi têa Việt Nam tíu pêi cheăng Dak Lak tối ăm ‘nâi: Ƀă hiâm mơno rơtế prôk, kum dêi pó, kơvâ hngêi arak liăn hbrâ tah lôi pá puât, tơxâng tơdroăng kal vâ liăn kum mơnhông cheăng kâ.
Viết bình luận