Troh nôkố, ai lối 2.000 ha loăng plâi a Dak Lak ôh tá bê têa tôh. Tung mê, ai lối 1.300 ha kơphế, 638 ha báu ƀă 36 ha loăng plâi ki ê. Tiô tối hdrối tung la ngiâ, kô ai sap ing 5.000 – 8.000 ha loăng plâi kô khăng hŏn, ôh tá bê têa tôh tâng kong tô khăng khoăng ton.
Drêng ai tơdroăng ôh tá tơniăn dêi kong prâi, Khu pơkuâ ‘na pêi Chiâk deăng ƀă Mơnhông thôn pơlê kong pơlê Dak Lak rơtế ƀă mâu tíu ki pơkuâ rơchôa long têa ƀă mâu tơring thâ pêi pro mâu troăng tăng têa tôh loăng plâi kơdroh tro lŭp xua kong tô khăng khoăng pro. Pôa Trịnh Quốc Bảo, Kăn phŏ pơkuâ Kŏng ti pêi cheăng tiô rơnó môi khu pơkuâ rơchôa long têa Dak Lak tối ăm ‘nâi, troh nôkố, tung kơxô̆ ƀăng deăng loăng plâi ki kŏng ti tôh lối 1.380 ha loăng plâi khăng hŏn, tung mê hiăng tăng ai têa tôh châ lối 790 ha, ƀăng deăng ki ê dế krâ kơmăi hrik têa ki u ối vâ tôh loăng plâi.
Viết bình luận