Vi ƀan ngăn ‘na Khôi túa lĕm tro, Tơ’noăng ivá tơkŭm po Roh hôp tâi tâng roh má 7
Thứ bảy, 14:17, 04/05/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Hâi lơ 3/5, a Hngêi Kuô̆k hô̆i, Vi ƀan ngăn ‘na khôi túa lĕm tro, Hnê hriâm tơkŭm po Roh hôp tâi tâng roh má 7, tơpui tơno tung Tơdroăng pơkâ pêi plah tơnêi têa ‘na mơnhông khôi túa lĕm tro hneăng hơnăm 2025 – 2035.
Tiô tơdroăng tơkêa bro, Tơdroăng pêi klâ chiâng 2 hneăng. Tung mê, troh hơnăm 2030 châ 9 khu pơkâ pêi plah ƀă troh hơnăm 2035 xuân châ 9 khu pơkâ pêi plâh tiô tro hnê mơhno dêi pôa Nguyễn Phú Trọng, Kăn xiâm pơkuâ hnê ngăn Đảng a Hneăng hôp khôi túa lĕm tro lâp tơnêi têa 2021. Tiô tối hdrối tâi tâng kơxô̆ liăn pêi pro tơdroăng pơkâ pêi hneăng hơnăm 2025 – 2030 cho 122 rơpâu 250 rơtal liăn.
Xông tơpui a Roh hôp, pôa Trần Thanh Mẫn, Kăn xiâm phŏ hnê mơhno má môi Kuô̆k hô̆i pơkâ thế Chin phuh hbrâ inhên ‘na kơxô̆ liăn vâ pêi pro tơdroăng, rak tơniăn tơdroăng mơhnhôk, pơkuâ, xing xoăng, xúa kơxô̆ liăn tro tơdroăng.
Viết bình luận