Xua kong tô ton hâi, ai hâi ki ‘nâ tak troh 40độ C tơ’nôm ƀă ôh tá ai têa toh pro hên deăng kơphế a tơring Đăk Hà, kong pơlê Kon Tum tro chếo hlá, ƀă tơruih plâi. Ki lup ó má môi cho deăng ki hơngế ing mâu rơchôa têa. Tiô Vi ƀan Kuăn pơlê tơring Đăk Hà, nôkố ai lối 71 ha kơphế a thôn Bình Minh, cheăm Hà Mòn hiăng ôh pá ai têa toh, xua long ki kơdoăng têa C3 hiăng xiâ. Ƀă lối 15 rơpâu ha, tơring Đăk Hà nôkố cho tơring ai tơnêi pêt kơphế kân má môi kong pơlê Kon Tum.

Tung pơla kong tô pơ oh , tiô tơbleăng hdrối kong ối tô ton hâi nếo, mâu rơchôa kân kŭn tung tơring Đăk Hà, kong pơlê Kon Tum hiăng xiâ tâi. vâ kum  mơ’rêh dêi loăng kơphế ai mâu rơpŏng kuăn pơlê ‘no liăn rôe klŏng xŏn km vâ hrik têa toh la xuân ôh tá hlŭng tơdroăng ki lup.