Klêi 3 hơnăm, rêm râ, mâu kơvâ cheăng dêi kong pơlê Kon Tum mơjiâng 866 túa tŏng kum dêi rơpó pêi cheăng kâ, po pông tơnêi kơdrum tơ’mot vâ chê 10.600 rơpŏng kơtiê, vâ chê kơtiê hdroâng kuăn ngo veăng. Mâu túa pơkâ kố hiăng mơhnhôk châ lối 96 rơtal liăn kum roê ăm hdrê, liăn, kih thuât kum lối 5.500 rơpŏng kơtiê hdroâng kuăn ngo mơ-eăm hluăn kơtiê krá ton.

Riân troh mơ’nui hơnăm 2023 lâp kong pơlê Kon Tum ối lối 10.200 rơpŏng kơtiê, tung mê lối 9.700 rơpŏng kơtiê cho hdroâng kuăn ngo ƀă kơxô̆ châ lối 95%. Vâ mơhnhôk vâi krâ nhŏng o khên tơmiât khên pêi mơ-eăm hluăn ing kơtiê, Khu pơkuâ hnê ngăn Đảng Kon Tum kô pơtối tơbleăng hên troăng hơlâ. Tung mê, kong pơlê kô tơkŭm tung kơvâ mơjiâng bro tê mơdró.