VOV4.Sêdang - A tíu pêi cheăng dêi Kăn xiâm hnê ngăn tơnêi têa, pôa Trần Đại Quang, Kăn xiâm hnê ngăn tơnêi têa hiăng ai roh pêi cheăng [a\ Khu xiâm pơkuâ Ko\ng an, Khu xiâm pơkuâ lêng [a\ mâu kơ koan ki tơdjâk ‘na tơdroăng kring vế, gak ngăn, rak tơniăn Măng t^ng Leh kân Khu kăn xiâm APEC 2017.

Klêi kơ’nâi tơmâng tối tơbleăng, pôa Trần Đại Quang, Kăn xiâm hnê ngăn tơnêi têa ai mơnhên, tơdroăng hbrâ tơnáu hiăng kêi tro tiô pơkâ. Bu u ối 18 hâi kô troh Măng t^ng Leh kân Khu kăn xiâm APEC roh má 25, Kăn xiâm hnê ngăn tơnêi têa pơkâ thế mâu Khu xiâm, kơvâ cheăng, kong pơlê thâ séa ngăn, tơ’nôm pêi kêi mâu hnoăng kring vế, gak ngăn, ôh tá tơngôu drêng ai tơdroăng.

Kăn xiâm hnê ngăn tơnêi têa pơkuâ ngăn hâi hôp 

Tung mê, xiâm kối cho athế kring vế, gak tơniăn mâu kăn xiâm, kăn pơkuâ [a\ mâu kăn ki veăng, tơplâ mơdât mâu khu ngế xông tơtrâ, tăng ‘nhê tung pơla tơku\m po tơdroăng kal kí.

Kăn xiâm hnê ngăn tơnêi têa pơkâ thế khu ko\ng an, khu lêng thăm séa ngăn, teăm hbrâ mơdât ahdrối kế ki chiâng pơtôu, trếo ki pro ‘mêi tung kong prâi, po rơdâ pêi pro mâu tơdroăng rak vế tơniăn ‘na kring vế, gak ngăn a rơvâ plêng, a têa kơx^, ôh tá ăm ai pro xôi ki lâi maluâ ku\n má môi vâ Măng t^ng Leh kân Khu kăn xiâm APEC a Việt Nam tơku\m po châ tơ-[rê le\m.

A Sa Ly tơplôu [ă tơbleăng