VOV4.Sêdang - Peăng xêi lơ 18/2 a Hà Nội, Khu xiâm ngăn ‘na chiâk deăng [ă mơnhông mơdêk thôn pơlê tơru\m [ă Kăn teăng mâ Mih tơku\m po leh tơbleăng têa plâi nong dêi Việt Nam ăm kong têa Mih.

Klêi kơ’nâi 10 hơnăm hôp tơpui tơno, troh nôkố mâu hlá mơ-éa pro po troăng tê mơdró plâi nong Việt Nam ăm kong têa Mih hiăng pro klêi, [ă dế nốkố Việt Nam kô châ ăm hlá mơ-éa phêp tê plâi nong nếo klêi krí ăm kong têa Mih.

Cho kong têa ki ai plâi kâ hên túa, Việt Nam tê dêi plâi nong ki nếo klêi krí, châ tê hên ăm kong têa têa ê. Plâi kâ dêi Việt Nam nôkố hiăng châ tê a 60 to kong têa tung kơpong, châ tê ăm mâu kong têa ki pơrah má môi môi tiah kong têa Australia, Mih, New Zealand, Nhuk, Hàn Quốc.

Plâi nong cho hdrê plâi kâ má 6 dêi Việt Nam châ tê ăm kong têa Mih klêi kơ’nâi plâi treăng kêt dro, plâi treăng ngốu, plâi têa tôu, plâi rơga; [ă Mih chiâng kong têa ki má 40 rôe plâi nong dêi Việt Nam.

Gương tơplôu [ă tơbleăng