Hâi Mô đo#i rong râ-Hlâ hía cho tơdroăng kal kí dêi pơlê pơla, cho vâ mơhno hnê tối i trâu rơdâ troh a rơxông kơ’nâi. Kố cho roh ki tâi tâng Đảng, tâi tâng kuăn pơlê [ă tâi tâng khu lêng pin nhuo#m pâ, tơbâ vế, koh mơnê khu lăm pro kăch măng roh apoăng nah, mơngế khên tơnôu hiăng hlâ xua tơnêi têa, mâu ngế ki rơkê, tơnôu dêi hdroâng mơngế hiăng tơnôu tung tơplâ, hlâ hía; koh mơnê mâu mô đo#i rong râ hiăng pleăng dêi môi pâ mơheăm chhá ăm tơnêi têa tung hneăng tơplâ pro tơleăng le\m hdroâng mơngế, pro tơnêi têa tơru\m chiâng môi, xuân môi tiah tung hneăng mơjiâng, kring vế tơnêi têa [ă pêi pro tro dêi hnoăng cheăng lâp plâi tơnêi; to\ng kum, ngăn khât kơ mâu mô đo#i tro rong, mô đo#i tamo châi, rơpo\ng ki ai mơngế hlâ hía.

Mâu rơxông dêi mơngế Việt Nam đi đo chôu vế, tơbâ mâu hnoăng cheăng ki khên tơnôu, tơdroăng ki ó rơdêi, ki pleăng dêi hnoăng cheăng ki kân dêi kuăn pơlê, mâu lêng mô đo#i tung lâp tơnêi têa xua vâ pro tơniăn le\m, niân nok ăm dêi tơnêi têa, kum ăm tơdroăng rêh ối kuăn pơlê hơniâp ro, sôk suâ.

Vâ koh tơbâ, pơ-ô tơdroăng ki piu hiât dêi châ dêi mâu ngế lêng mô đo#i khên tơnôu hiăng hlâ, mô đo#i tro rong, mô đo#i ta mo châi, rơpo\ng ai mơngế pro mô đo#i hlâ xua tơnêi têa, mơngế ai hnoăng kăch măng, mơhriâm ple\ng trâu tơdroăng ‘’Châ niân tiah hâi kố mơnê khu mơjiâng pro nah’’, ‘’Kâ plâi tơbâ vế mơngế ki pêt’’ dêi hdroâng mơngế, tung plâ 70 hơnăm hiăng hluâ, Đảng, Tơnêi têa pin đi đo to\ng kum, ngăn khât, pơkuâ ngăn, hnê djâ [ă mơhnhôk tâi tâng kuăn pơlê kơhnâ khât tung veăng pêi pro mâu tơdroăng ‘’Châ niân tiah hâi kố mơnê khu mơjiâng pro nah’’, ‘’Tâi tâng kuăn pơlê rak ngăn mâu rơpo\ng ai mơngế cho mô đo#i tro rong, ai ngế hlâ xua tơplâ xâ nah [ă mơngế ki ai hnoăng [ă kăch mănug’’.

Ai hên tơdroăng pơkâ, troăng hơlâ, luât ‘na kơjo kum [ă mâu ngế hiăng hlâ xua tơplâ xâ, mô đo#i tro rong, mô đo#i tamo châi, rơpo\ng ai mơngế hlâ xua tơplâ xâ, mơngế ki ai hnoăng [ă kăch măng; mâu ngế ki châ tơnêi têa kơjo kum xuân hiăng châ tơ’lêi, tơdroăng ki ăm kâ liăn khế, hbruô kế tơmeăm rế hía xuân rế châ mơdêk hên tâ, mê cho vâ mơhno tơdroăng ki mơnê nhuo#m, ‘nâi hơ-ui pâ, tơdroăng rak ngăn dêi Đảng, Tơnêi têa, kuăn pơlê [ă mâu ngế ki ai hnoăng.

Tơdroăng tối tơbleăng, hnê pơtâng ‘na troăng hơlâ, ‘na luât ki kơjo kum mơngế ai hnoăng xuân hiăng châ rêm râ, mâu kơvâ cheăng pơkâ pêi pro châ tơ-[rê khât [ă hên túa cheăng tơtro, môi tiah mâu tơdroăng ‘’Lăm tăng pú mô đo#i’’, ‘’Vêh ing tơdroăng ối chôu pâ tung tuăn mơno’’ dêi Um tơvi Việt Nam; ‘’Tiâ mơnhên troăng hơlâ to\ng kum’’, ‘’Tối tơbleăng ‘na mô đo#i hiăng hlâ’’ dêi Rơ’jíu Việt Nam, Um tơvi dêi Khu lêng; ‘’Châ niân tiah hâi kố mơnê khu mơjiâng pro nah’’, ‘’Tối pơtâng ‘na tơnâp mô đo#i hiăng hlâ’’ dêi Hlá tơbeăng Quân đội Nhân dân [ă hên mâu tơdroăng tối tơno, hơ’muăn tối ‘na mơngế ai hnoăng [ă kăch măng a mâu rơ’jíu, um tơvi, hlá tơbeăng ki ê.

Ing mê, hiăng veăng kum hnê mơhno tối ‘na tơdroăng ki hiăng ai sap nah cho mơjo pâ tơnêi têa, troăng hơlâ khên tơnôu dêi kăch măng [ă thăm mơnhông ăm tơdroăng hloh hlê rơkê ple\ng dêi kăn [o#, đảng viên, [ă mâu khu râ kuăn pơlê, malối cho rơxông hơnăm ối nếo ‘na hnoăng cheăng kân k^n dêi mâu ngế mô đo#i hiăng hlâ, mô đo#i tro rong, mô đo#i châi tamo, rơpo\ng ai ngế pro mô đo#i hlâ, mơngế ki ai hnoăng; mơnhên tối hnoăng cheăng [ă mâu tơdroăng ki ai pơxúa khât vâ mơnhông, pơtối pro i tơtro tâ nếo tơdroăng ki hiăng kân khât dêi pơlê pơla vâ rak ngăn tơtro tâ, tơniăn tâ, mơnhông ‘na tơdroăng rêh kâ ối, ‘na hiâm mơno dêi mơngế ki ai hnoăng.

Tơdrêng [ă kơxo# liăn ki kơjo kum ăm mơngế ai hnoăng ing kơxo# liăn dêi tơnêi têa, mâu khu râ, kơvâ cheăng, túa ki to\ng kum rế hía rế hên túa, hên kơvâ, pêi pro tơ-[rê [ă châ pơxúa păng ‘nâng.

Pêi pro tơdroăng cheăng rak ngăn mơngế ai hnoăng rế hía rế châ mơnhông mơdêk, ai ivá châ pơtroh, tơbleăng trâu rơdâ, châ pơlê pơla veăng pêi pro. Mâu tơdroăng ‘’Châ niân tiah hâi kố mơnê khu mơjiâng pro nah’’, ‘’Tâi tâng kuăn pơlê veăng rak ngăn mâu rơpo\ng ai mô đo#i tro rong, ai mơngế pro mô đo#i hlâ xua tơplâ xâ [ă mơngế ai hnoăng [ă kăch măng’’, xo păn  roăng, rak ngăn Jâ nôu Việt Nam khên tơnôu thăm rế châ mơnhông mơdêk; mâu tơdroăng mơjiâng ‘’Hngêi hbruô ai hnoăng tơnêi têa’’, ‘’Hngêi hbruô ăm pú lêng mô đo#i’’,’’Ếo tơtô ăm mô đo#i tro rong, mô đo#i tro châi tamo’’, ‘’Ếo luă ăm Jâ Nôu Việt Nam khên tơnôu’’ [ă ki ê hía pơrá châ pơtối rak vế, po rơdâ tung lâp luô a mâu kong pơlê, tơring, cheăm; tơdroăng to\ng kum pro hngêi ăm mơngế ai hnoăng [ă tăng cheăng pêi ăm kuăn mô đo#i hlâ xua tơplâ, kuăn mô đo#i tro rong ó, kuăn mô đo#i tamo ki râ pơrá châ pêi pro kơhnâ khât.

Pak^ng tơdroăng rak ngăn, koh mơnê mâu ngế ai hnoăng kăch măng [ă on veăng, rơpo\ng hngêi, mê tơdroăng ki ‘mâi rơnêu, mơjiâng pro mâu ilâng kiâ, tơneăn chêh inâi, tíu xối tơbâ mô đo#i hlâ, tơku\m xo kơxêng [ă tí tăng mơnhên inâi mô đo#i hiăng hlâ xuân hiăng châ pêi pro krâu khât.

Ai hên tơmeăm khoăng ki chêh tối, koh tơbâ, mơnê nhuo#m hnoăng dêi mô đo#i hlâ-mâu ngế ki khên tơnôu ‘’Tơplâ xâ tá troh hlâ xua vâ to\ng xo dêi Tưnêi tea’’ hiăng chiâng tíu ki tơbâ vế tơdroăng kal roh ton nah, ‘na tơmeăm ki mơhno túa le\m tro, ki mơhno tối ‘na hiâm mơno, hiâm tuăn ki khên tơnôu tơplâ xâ vâ to\ng xo dêi tơnêi têa, pro hơniâp le\m dêi hdroâng mơngế Việt Nam, cho ai pơxúa trâu hơngế ‘na tơdroăng mơjo pâ tơnêi têa, kăch măng, pro kơdrâm kơdre\ng kuăn pơlê, mâu lêng mô đo#i lâp tơnêi têa [ă pú hmâ lâp plâi tơnêi lăm troh chôu nhang, koh tơbâ, môi tiah Ilâng kiâ mô đo#i Điện Biên Phủ, Ilâng kiâ mô đo#i Trường Sơn, Ilâng kiâ mô đo#i Đường Chín, Tíu xối tơbâ mô đo#i hlâ Bến Dược-Củ Chi, Kơpong ki tơbâ mô đo#i hlâ khu droh rơtăm pleăng dêi hnoăng a 3 hơlâ Đồng Lộc, Truông Bồn, Lam Hạ [ă ki ê hía.

Hiăng châ tăng, tơku\m lối chât rơpâu kơxêng kiâ mô đo#i tung tơnêi têa [ă mâu kong têa pú hmâ Lếo, Kul. Tơdroăng ‘no liăn, thăm mơnhông mâu tíu xiâm vâ mơnhên AND pơrá châ to\ng kum ngăn khât, veăng kum thăm mơnhông tơdroăng ki mơnhên inâi dêi mô đo#i ki hiăng hlâ.

Mâu tơdroăng pêi pro ki ai pơxúa mê hiăng veăng kum kơdroh iâ tơdroăng ki tô châi tung hiâm mơno dêi mâu on veăng, rơpo\ng hngêi mô đo#i hlâ hía, mâu ngế pâ, mơngế nôu, ngế kơdrâi [ă kuăn ‘ne\ng dêi mô đo#i ki hiăng hlâ dế plâ hâi plâ măng ối chôu vế, tơkôm ngăn.

Hên tơdroăng ki kơjo kum ăm mơngế ki ai hnoăng tung kơvâ ngăn ‘na pơkeăng, khăm pơlât, hnê hriâm [ă ki ê hía xuân châ pêi pro le\m tro. A mâu roh leh, têt, hâi lơ 27 khế 7 rêm hơnăm, pak^ng kế tơmeăm hbruô kum dêi Kăn xiâm hnê ngăn, mâu khu râ kơvâ cheăng, mâu kong pơlê, pơlê kong kân, tơring, cheăm pơrá ai po hneăng trâm mâ, lăm pôu ngăn, tơpui tơno, hbruô kế tơmeăm ăm mâu rơpo\ng ki ai hnoăng.

Mâu khu kuăn pơlê, mâu khu pơkuâ cheăng [ă rêm ngế rế hía rế kơhnâ khât tung veăng pêi pro mâu hnoăng cheăng ‘’Mơnê hnoăng tơvêh hiâm mơno’’, ‘’Châ niân tiah hâi kố mơnê khu mơjiâng pro nah’’, veăng kum mơnhông ‘na tơmeăm khoăng xuân môi tiah ‘na hiâm tuăn dêi mơngế ai hnoăng.

Kơnôm ai mâu túa cheăng, troăng hơlâ ki tơtro, troh nôkố, lâp tơnêi têa ai 97% kơxo# rơpo\ng ai mơngế ai hnoăng hiăng ai tơdroăng rêh ối tơ’mô lơ luâ tâ tơdroăng rêh ối tơchuôm dêi pơlê cheăm ki mê.

Rế hía hlo ai rế hên mâu ngế ki rơkê kơhnâ cheăng kâ-rêh ối cho mâu ngế mô đo#i tro rong, mô đo#i ta mo, rơpo\ng ai mô đo#i hlâ xua tơplâ xâ, mơngế ki ai hnoăng [ă hiâm tuăn ki kâi chân tơxâng ‘ló koh nhuo#m, hiăng kơdo mơ-eăm pêi cheăng tơkâ luâ mâu tơdroăng ki pá vâ mơnhông tung pêi cheăng, tơplâ, pêi chiâk pêi deăng, tê mơdró, kơhnâ khât tung veăng pêi pro mâu hnoăng cheăng tơ’noăng mơjo pâ tơnêi têa, prôk tơdjâ troăng ahdrối tung tơplâ mơdât tơdroăng kơtiê, xơpá, tơplâ [ă tơdroăng plong, veăng kum mơnhông pơlê pơla, cheăm bêng, tơnêi têa rế hía rế krá tơniăn [ă kro mơdro\ng.

Vâ pơtối châ rak vế [ă mơnhông mâu tơdroăng ki hiăng tơ-[rê, hnoăng cheăng ki hiăng châ chiâng pêi pro tung 70 hơnăm hiăng luâ, tơdrêng amê, pơtối mơnhông ‘na hnoăng cheăng rak ngăn, păn roăng mô đo#i tro rong, rơpo\ng ai mô đo#i hlâ hía, mơngế ai hnoăng kăch măng, tung la ngiâ kố ah, mâu khu râ kơvâ cheăng kal athế hnê mơhno tối i trâu rơdâ, pơtối rak vế, pêi pro châ tơ-[rê mâu troăng hơlâ, túa pơkâ cheăng dêi Đảng, Tơnêi têa ’na kơjo kum mơngế ai hnoăng, ki xiâm cho Tơdroăng Pơkâ dêi Hneăng hôp kân roh má XII dêi Đảng, Tơdroăng pơkâ kơxo# 14-CT/TW dêi Khu hnê mơhno tíu xiâm Đảng (Hneăng XII) ‘na pơtối mơnhông tơdroăng pơkuâ ngăn dêi Đảng [ă mâu ngế ki cheăng to\ng kum mơngế ai hnoăng [ă kăch măng.

Thăm mơnhông tung hnê tối trâu rơdâ tiô troăng hơlâ, túa pơkâ dêi Đảng, Tơnêi têa [ă mô đo#i tro rong, mô đo#i tamo châi, rơpo\ng ai mơngế mô đo#i hlâ tơplâ xâ, mơngế ai hnoăng [ă mâi tơdroăng ‘’Mơnê hnoăng tơvêh hiâm mơno’’, ‘’Tâi tâng kuăn pơlê rak ngăn mâu rơpo\ng ai mô đo#i tro rong, mô đo#i hlâ xua tơplâ [ă mơngế ki ai hnoăng [ă kăch măng’’ tung kăn [o#, đảng viên [ă kuăn pơlê.

Pêi pro kơhnâ khât tung tơdroăng hnê tối ki hiăng châ tơ-[rê, ai hnoăng cheăng ki kân tung hnoăng cheăng [ă mơngế ai hnoăng, malối tung mơjiâng [ă pêi pro tiô pơkâ, troăng hơlâ kơjo kum mơngế ai hnoăng; ki tơ-[rê dêi tơdroăng păn roăng, rak ngăn mô đo#i tro rong, mô đo#i ta mo châi, rơpo\ng ai mô đo#i hlâ hía [ă păn roăng, rak ngăn Jâ nôu Việt Nam khên tơnôu; tơdroăng cheăng lăm tăng chiâ xo, tơku\m kơxêng mô đo#i ki hlâ; tơdroăng ki thăm mơhnhôk pơtối rák vế hiâm mơno ki tơnăng kơdo mơ-eăm dêi xêh tung tơdroăng rêh kâ ối dêi mô đo#i tro rong, mô đo#i ta mo châi, mơngế ai hnoăng.

Ing mê, môi tuăn tung tơdroăng ki hlê ple\ng tung rak vế, pêi pro tro tiô troăng hơlâ kơjo kum ăm mơngế ai hnoăng rế cho hiâm mơno mơjo pâ ki tơviah xuân cho hnoăng cheăng dêi tâi tâng khu pơkuâ cheăng kal kí, [ă tâi tâng kuăn pơlê, xuân rế cho ki xiâm vâ rak vế ki rơkê ple\ng [ă tơdâng tơ’mô dêi pơlê pơla, mơhno tối trâu rơdâ ki le\m tro [ă ki tơniăn dêi tơnêi têa pin, veăng kum ‘mâi mơnhông ki tơru\m krá tơniăn khu hdroâng mơngế, thăm mơnhông hiâm mơno loi tơngah dêi kuăn pơlê ing tơdroăng pơkuâ ngăn dêi Đảng, Tơnêi têa.

Tơku\m pơkuâ ngăn, hnê tối rak vế, pêi pro tu\m têk tâi tâng troăng hơlâ dêi Đảng, luât dêi tơnêi têa [ă mô đo#i tro rong, mô đo#i ta mo châi, rơpo\ng ai mô đo#i hlâ xua tơplâ, mơngế ai hnoăng.

Tung mê, ki rơhêng kal vâ ‘nâi ple\ng athế to\ng kum mâu rơpo\ng ki ai troăng hơlâ ki trâm hên xơpá, mơngế ai hnoăng tung rêh ối ôh tá ai rơpo\ng hngêi rak ngăn, ôh tá ai nôu pâ, kuăn ‘ne\ng, mâu rơpo\ng ki ai hnoăng ối a kơpong hdroâng kuăn ngo, hơngế hơngo, kơpong pơlê cheăm ki lăm pro kăch măng hdrối nah, kho\m mơ-eăm ôh tá lôi rơpo\ng ai hnoăng mê tro kơtiê xơpá.

Thăm pêi pro kơhnâ khât tơdroăng ki tí tăng chiâ xo, tơku\m kơxêng [ă mơnhên inâi kơxêng kiâ mô đo#i hlâ ki tá hâi teăm ‘nâi nhên inâi. Mơhnhôk hên khu râ, kơvâ cheăng veăng kơjo kum ăm mơngế ai hnoăng, môi tiah păn roăng, rak ngăn mâu Jâ Nôu Việt Nam khên tơnôu, hnê cheăng pêi, tăng cheăng pêi, to\ng veăng mâu rơpo\ng ai hnoăng pơtối mợhông tơdroăng pêi chiâk pêi deăng, tê mơdró kâ [ă ki ê hía.

Ing mê, mơhnhôk rêm khu cheăng, rêm kơvâ rak liăn ngân, kế tơmeăm, pơlê pơla tơru\m [ă khu râ dêi tơnêi, kho\m mơ-eăm troh a hơnăm 2020 ah kô châ kum ăm rơpo\ng mơngế ai hnoăng châ ‘mâi rơnêu, mơjiâng pro hngêi ối tiô pơkâ [ă ai kơlo rêh kâ ối tơ’mô lơ luâ tâ mâu rơpo\ng ki ê tung pơlê cheăm.

Pơtối tí tăng êng mơnhên, séa ngăn, chêh xo, pro i kêi mâu troăng hơlâ, luât ki kơjo kum mơngế ai hnoăng, ki rơhêng vâ tối, kal athế re\ng tơleăng mơnhên mâu tơdroăng ối tơvâ tơvân, ki u ối vâ re\ng teăm ‘mâi rơnêu, chêh bro, mơjiâng klêi tơtro tiô tơdroăng pêi cheăng kâ-rêh ối pơlê pơla dêi tơnêi têa. Re\ng teăm mơnhên, to\ng kum ‘na mâu hô sơ ki mơnhên ngế ai hnoăng tơnêi têa ki hdrối mê hía nah tá hâi teăm châ mơnhên, rak vế tơniăn, tơtro nhên, trâu rơdâ, xuân cho hiâm mơno ki hơ-ui kum vâ mâu ngế ki ai hnoăng [ă rơpo\ng ki mê châ xúa tu\m tâi tâng mâu troăng hơlâ ki kơjo kum dêi Đảng, Tơnêi têa.

Pơ-ô, kơdeăn mâu ngế ki djâ troăng ahdrối cho mô đo#i tro rong, mô đo#i ta mo châi, rơpo\ng ai mô đo#i hlâ xua tơplâ, mơngế ai hnoăng hiăng pơtối mơnhông mơdêk ‘na tơdroăng ki kơdo mơ-eăm ing ivá, hiâm mơno tơná, kơdo mơ-eăm vâ xông tơtêk, kơhnâ khât tung pêi chiâk pêi deăng, pêi cheăng kâ, veăng pêi pro mâu tơdroăng cheăng tơ’noăng mơjo pâ tơnêi têa, kơdroh tah kơklêa, kơtiê xơpá [ă hên ki ê hía.

Re\ng teăm châ hlo, mơhno rơdâ mâu ngế ki kơhnâ khât, hâk kơdeăn, pơ-ô dêi khu pơkuâ cheăng, mâu ngế ki kơhnâ khât tung to\ng veăng mâu rơpo\ng ai hnoăng tơkâ luâ xơpá, mơnhông rêh kâ ối.

Koh tơbâ 70 hơnăm Hâi Mô đo#i rong râ-hlâ hía, rêm râ, rêm kơvâ cheăng kal athế tơku\m po pêi pro mâu tơdroăng ki ai pơxúa, tơ-[rê tiô mâu túa, mâu troăng hơlâ ki tơtro hnối pêi tơdrêng tá mâu hnoăng cheăng kal kí dêi mâu kơkoan, khu pơkuâ cheăng, pơlê kong kơdrâm. Pơtối mơnhông trâu rơdâ mâu tơdroăng cheăng ‘’Mơnê hnoăng tơvêh hiâm mơno’’, ‘’Tâi tâng kuăn pơlê rak ngăn mâu rơpo\ng ai mô đo#i tro rong, mô đo#i hlâ xua tơplâ [ă mơngế ai hnoăng [ă kăch măng’’, [ă mâu hnoăng cheăng pêi pro i nhên, rak ngăn ‘na tơdroăng rêh kâ ối, mơdêk hiâm mơno hlê ple\ng, mơhno tối tuăn hiâm ‘nâi mơnê trâu rơdâ, tơdroăng ki nhuo#m mơngế dêi Đảng, Tơnêi têa [ă kuăn pơlê [ă mơngế ai hnoăng, veăng kum pro mơnhông mơdêk ki le\m tro dêi mơhno túa le\m tro Việt Nam, pro kro mơdro\ng ăm hnoăng cheăng túa hmâ dêi hdroâng mơngế pin.

Tơdroăng ki piu hiât dêi tơná, pleăng hnoăng cheăng tơná hên dêi rêm khu lăm pro kăch măng sap ing chal apoăng nah, mâu ngế khên tơnôu ki hiăng hlâ, mô đo#i tro rong, mô đo#i tamo châi, rơpo\ng ai mô đo#i hlâ, mơngế ai hnoăng [ă kăch măng đi đo chôu vế tung plâi nuih rêm ngế Việt Nam, cho ki xiâm kum ăm hiâm mơno ki kal git vâ pơtối mơnhông ivá ki ó rơdêi dêi tâi tâng Đảng, tâi tâng kuăn pơlê [ă tâi tâng khu lêng pin rak vế, pêi pro [lêi chiâng hnoăng cheăng ki hơ’lêh nếo, cheăng tiô chal nếo, pro dêi tơnêi têa rế xông tơtêk [ă hnối tơru\m [ă lâp plâi tơnêi, kring vế krá tơniăn hnoăng cheăng ki git kơnía dêi kăch măng.

Nhat Lisa tơplôu [ă tơbleăng