VOV4.Sêdang - Kơxo lơ 25/2, a Hà Nội, Khu xiâm tơpui kâ hiăng tơku\m po Hneăng hôp mơgêi 10 hơnăm tối tơbleăng mâu tơdroăng cheăng ‘’Pơ-ôu pơ-eăng Hồ Chí Minh, kăn xiâm hnê ngăn tơnêi têa hneăng apoăng, Ngoh khên tơnôu tơleăng le\m hdroâng mơngế Việt Nam, Ngế ki rơkê ple\ng a kong têa ê’’.

Xông tơpui a rôh po hneăng hôp, pôa Phạm Bình Minh, Ngế pro xiâm pho\, kăn xiâm tơpui kâ tơnêi têa pin tối, kố cho tơdroăng cheăng ki ai pơxúa khât tung tâi tâng Đảng, tâi tâng kuăn pơlê pin dế pêi pro troh tơbâ 130 hơnăm hâi kot mâ Hồ Chí Minh, kăn xiâm hnê ngăn tơnêi têa pin hneăng apoăng; 45 hơnăm hâi Tơleăng peăng hdroh, pro tơnêi têa tơru\m chiâng môi; 75 hơnăm Kăch măng Khế 8 [ă hâi mơjiâng tơnêi têa lơ 2/9, xuân môi tiah pêi pro troh hneăng hôp lâp tơnêi têa rôh má 13 dêi Đảng.

Tơdroăng cheăng kố ối ai pơxúa khât vâ mâu rơxông mơngế Việt Nam tung tơnêi têa [ă a kong têa ê ‘mâi mơ-eăm [ă mơdêk tơdroăng ki hâk tơngăm ‘na hdroâng mơngế, rơtế [ă dêi rơpó mơjiâng tơnêi têa Việt Nam rơtế [ă mâu kong têa ê môi tiah tơdroăng ki rơhêng vâ dêi Pôa; cho vâ ăm mâu kong têa ê ‘nâi hên tâ troh um méa Việt Nam [ă tơdroăng ton nah khên tơnôu, ai tơdroăng mơhno túa le\m tro, hâk vâ tơdroăng ki hơniâp le\m.

Katarina Nga tơplôu [ă tơbleăng