Hơnăm 1983, Lê Trọng Tùng ngế rơtăm ối a Thanh Hóa lăm pro mô đo#i drêng nếo 19 hơnăm, pêi pro hnoăng cheăng lăm pro lêng vâ kring vế tơnêi têa a kong têa Kul. Troh hơnăm 1986, ngoh hiăng lo [ă rah xo Dak Nông cho tíu lăm pêi cheăng kâ ki apoăng, xo on veăng a hơnăm 1987.

{ă hiâm tuăn khên tơmiât, khên pêi, hlối kơhnâ, ‘nâi kơdo mơ-eăm, ngoh Lê Trọng Tùng châ ‘nâi cho môi ngế ki hiăng lo ing pro lêng pêi chiâk, tê mơdró kâ rơkê dêi pơlê kân Kiến Đức, tơring Dak Rlâp, kong pơlê Dak Nông. Nôkố tơdroăng cheăng kâ châ xo tơ’mot liăng dêi rơpo\ng hngêi pôa  châ dâng 1 rơtal liăn tung hơnăm, ing tơdroăng pêt kơphế, păn rơkái kong, ăm vâi mung veăng koi, tê mơdró mâu tơmeăm mơjiâng hngêi trăng.

Ngoh Lê Trọng Tùng păn hơkái vâ mơdêk pêi lo kế tơmeăm mơnhông cheăng kâ

Ôh tá xê to pêi cheăng pro kro mơdro\ng ăm dêi rơpo\ng hngêi, pôa Lê Trọng Tùng ối kum tăng ăm châ ngế ki dế tro hơnăm pêi cheăng a pơlê kố ai cheăng pêi. Ngoh  Lê Trọng Tùng hơ’muăn tối:

‘’Rôh apoăng xahpá khât, troh lăm pêi cheăng kâ akố, dế mê nah ối rơtăm bú lăm [ă péa kơpeăng ko\ng tê, lăm pêi cheăng vâi vâ tăng liăn rêh kâ hâi kố hâi tá. Luâ to lâi hơnăm mê troh nôkố tơdroăng cheăng kâ tung rơpo\ng hngêi hiăng tơniăn. Pak^ng pêi tơdroăng cheăng pơlê pơla a ối veăng [ă  khu to\ng kum vâ to\ng kum 1 ngế ki chó, rêm khế sap ing 100 rơpâu troh 500 rơpâu liăn ngăn tiô kô drêng ai’’.

Ngoh Lê Trọng Tùng kum hdrê ro kơdrâi ăm rơpo\ng pôa Hồ Vươn Lên păn vâ hluăn ing kơtiê

Pôa Hồ Vươn Lên, ối a tôh kơpho# 5, pơlê kân Kiên Đức cho môi tung mâu ngế ki xahpá ó châ ngế lêng hneăng hdrối cho Lê Trọng Tùng to\ng kum. Rơpo\ng hngêi hiăng châ ngoh Tùng kum ăm 1 to ro kơdrâi păn vâ ai kuăn [ă hlối kum tơmeăm, hơlêm mơhnhôk thế mơ-eăm pêi cheăng vâ hluăn ing kơtiê.

‘’Á ing kơpong peăng mâ hâi lu troh akố lăm pêi cheăng vâi, ngoh Tùng xuân hlo rơpo\ng hngêi á kơtiê xahpá, mê ngoh tối ăm á păn môi to ro vâ ai kuăn tăng tơ’nôm kơxo# liăn pêi lo. Kơhâi lăm pêi cheăng vâi, kơxêi lăm pôe nhâ ăm ro rêi, ing mê nah troh nôkố xuân hiăng châ tê dêi 2 pu\m kuăn gá, môi to 8 rơtuh liăn, 1 to 10 rơtuh liăn, nôkố tơdroăng rêh ối hiăng chía kơdroh tâ hdrối nah’’.

Tiô pôa Đào Trọng Thủy, Kăn hnê ngăn Khu lêng hơnăm hiăng krâ pơlê kân Kiến Đức, tơring Dak Rlâp, tơdrêng [ă tơdroăng cheăng pêi kâ rơkê, kum mâu ngế kơtiê a pơlê kố, pôa Lê Trọng Tùng ối djâ troăng ahdrối veăng pêi mâu tơdroăng cheăng ki khu mơhnhôk djâ pêi. Mê cho mơ-eăm hnê tối kuăn pơlê thế rak tro tiô troăng hơlâ dêi Đảng, mâu kăn Luât tơnêi têa; veăng pêi tơ-[rê mâu tơdroăng tơleăng pro pơle\m, tơleăng mơnhên mâu tơdroăng ki oh tá tơniăn a pơlê cheăm.

Pôa Đào Trọng Thủy tối, ngoh Lê Trọng Tùng hiăng veăng pêi pro tơdroăng mơhnhôk Khu lêng hơnăm hiăng krâ pơlê kân Kiến Đức rế mơnhông tơ-[rê.

‘’Khu lêng hơnăm hiăng krâ ngin ai ngoh Lê Trọng Tùng kơnâ veăng pêi mâu tơdroăng dêi pơlê, cho ngế ki veăng pêi kơhnâ khât mâu tơdroăng cheăng, malối ‘na pêi chiâk deăng, tê mơdró, tăng cheăng pêi ăm mâu nho\ng o tung khu a tíu ngoh rêh ối, tơdroăng pêi pro ki le\m mê mơhno hiâm tuăn le\m dêi ngoh mô đo#i Pôa Hồ tung mâu tơdroăng cheăng ki nếo xuân môi tiah tung rêh ối rêm hâi’’.

{ă hên hnoăng veăng ‘no mơnhông cheăng kâ dêi kong pơlê, tung hơnăm hdrối mê hía nah, ngế lêng hneăng hdrối Lê Trọng Tùng châ rêm râ, kơvâ cheăng ăm hên [âng kơdeăn khe\n, hlá mơ-éa kơdeăn khe\n. Ngoh cho ngế ki djâ troăng le\m bâ eăng ăm mâu ngế [ă kuăn pơlê a pơlê kân Kiến Đức hriâm [ối.

Hoàng Qui chêh

Gương tơplôu [ă tơbleăng