VOV4.Sêdang - Kơxơ lơ  24/10, pôa Phạm Minh Chính Ngế pro xiâm hnê ngăn tơnêi têa pơkuâ hneăng hôp Chin phuh ăm hnê tối tơdroăng hlá mơ-eá chêh ‘mâi mơnhông cheăng kâ - rêh ối. Ngế pro xiâm hnê ngăn tơnêi têa pơkâ thế ai pơkâ tŭm rơdâ, tŭm hên, hâi khế hơnăm ton  ing tơdroăng pơkâ hneăng hôp má 13 dêi Đảng, séa ngăn Pơkâ  mơnhông mơdêk cheăng kâ rêh ối 5 hơnăm sap hơnăm 2021-2025 ƀă tơdroăng mơnhông cheăng kâ  rêh ối hơnăm 2022. Ngế pro xiâm hnê ngăn tơnêi têa pơkâ thế  tối tơdroăng tro khât ƀă tơdroăng ki hlo, tơdrăng, thế ngăn  kơxô̆ ki riên hôm tro khât. Tơdroăng kal tơkŭm ki kal ƀă mâu tơdroăng pêi pro tiô troăng rơhlâ; mâu tơdroăng cheăng ‘na khăm pơlât malối mơdêk ivá cheăng khăm pơlât tối tơchoâm, tung mê malối tơmâng hên troh hbrâ mdât pơreăng, khăm pơlât, vaccine ƀă mâu tơdroăng pơlât tối tơchoâm, mâu tơdroăng ‘na rêh ối pơlê pơla, tơdroăng tŏng kum, hdró kơpong khu mơdró, tơrŭm cheăng; tơniăn pơtối pro tơniăn ‘na luât pơkâ ki kân, séa ngăn mơdât kế tơmeăm to kơnâ yă ƀă hên ki ê. Ngế pro xiâm hnê ngăn tơnêi têa pâ thế Kơ koan pơkuâ tơmâng hnê tối dêi mâu kăn ƀă pơtối séa ngăn dêi mâu kơ koan tơdjâk troh ‘na Hlá mơ-éa chêh tơdroăng ‘mâi mơnhông cheăng kâ rêh ối, thâ tơbleăng mâu tơdroăng pêi tơdrêng ai râ kơpêng rê̆ng má môi tâng chiâng, malối thế tơtrrŏng tơniăn tơ-brê ƀă châ môi tuăn rêm ngế.

Gương tơplôu ƀă tơbleăng