Kot mâ a cheăm Quang Thiện, tơring Kim Sơn, kong pơlê Ninh Bình tung môi rơpo\ng ki ai  krâm nho\ng o, pâ re\ng hlâ, pôa Trần Đại Quang, kăn xiâm hnê ngăn tơnêi têa hiăng ai tơdroăng rêh ối xơpá khât. La tung tuăn hiâm dêi ngế thái, mâu vâi pú ki ton, ngế hok tro ki mê đi đo khên tơnôu tơkâ luâ mâu tơdroăng xơpá.

Lo ing hngêi trung râ má 3 Kim Sơn B, pôa Trần Đại Quang, kăn xiâm hnê ngăn tơnêi têa cho ngế ki hriâm hngêi trung Kan sat nhân dân Tơnêi têa drêng mê nah bu nếo châ 16 hơnăm. Tung tuăn hiâm dêi ngế thái Châu Nam Long, xuân cho ngế ki hnê hngêi trung kan sat nhân dân, Trần Đại Quang kân xo\n, rơkê, le\m [ă hriâm kơhnâ:

‘’Drêng kăn xiâm hnê ngăn tơnêi têa mot hriâm a hngêi trung cho 1 ngế ki hriâm kơhnâ, chiu pá, [e#ng [eăn [ă cho 1 tung mâu ngế ki rơkê, re\ng hlê, chiu pá tung hriâm. Á hlo kăn xiâm hnê ngăn tơnêi têa cho ngế ki kơhnâ, chiu pá, hâk vâ [ă tơdroăng ki hriâm [ối [ă xua mê Kăn xiâm hnê ngăn tơnêi têa hriâm klêi a hngêi trung mê mot hriâm a Học viện Chính trị Quốc gia Hồ Chí Minh, hriâm pơtối [ă pro Tie#n sih a mê. Vâ tối, mê cho môi ngế ki kơhnâ, rơkê, chiu pá hriâm [ối [ă hiăng rơkê ple\ng sap ing tơdroăng ki ai khât, tơdrêng a mê hnối ai tơdroăng ki hlê ple\ng a tíu ki hriâm tâp’’.

41 hơnăm pơtối pêi dêi hnoăng cheăng tung kơvâ Ko\ng an, pơla mê pro kăn xiâm pơkuâ Ko\ng an hneăng hơnăm 2011 – 2016, pôa Trần Đại Quang, kăn xiâm hnê ngăn tơnêi têa hiăng ai tơdroăng ki veăng kum kal khât [ă hnoăng cheăng mơnhông mơdêk dêi khu lêng ko\ng an. Malối, mâu hnoăng cheăng ki mơhno\ng pleăng dêi pôa tung pơla pro kăn xiâm pho\, mê nếo troh pro kăn xiâm pơkuâ Ko\ng an hiăng rak tơniăn tung kring vế, gak ngăn tơniăn phá ăm hên tơdroăng ki châ tơku\m po ki kal dêi tơnêi têa châ tơniăn le\m.

Ai drêng rôh trâm mâ [ă pôa Trần Đại Quang, kăn xiâm hnê ngăn tơnêi têa tung mâu khế hơnăm pêi cheăng a Khu xiâm pơkuâ Ko\ng an, Thie#u tươ\ng Nguyễn Bình Ban, xuân cho Vie#n trưởng Viện lịch sử Ko\ng an nhân dân hneăng hdrối nah tối tiah kố, ki ôh tá kâi piu dêi pôa, mê cho: kăn xiâm hnê ngăn tơnêi têa Trần Đại Quang môi tiah ngế ngoh, môi ngế pú, môi ngế ki pơkuâ xiâm tuăn hiâm le\m achê, tơdrăng, malối pôa Trần Đại Quang, kăn xiâm hnê ngăn tơnêi têa cho môi tung mâu ngế ki ai tuăn tơmiât rơkê ‘na cheăng khu lêng [ă kuăn pơlê trâu hơngế [ă ai tuăn hiâm tơdrăng le\m, achê [ă mâu kăn [o#, lêng:

‘’Pôa Trần Đại Quang, kăn xiâm hnê ngăn tơnêi têa cho môi tung mâu ngế ki veăng kum ăm tơdroăng mơjiâng tơru\m cheăng ko\ng an [ă kuăn pơlê, gá cho tơdroăng ki loi tơngah khât, pôa xuân cho 1 tung mâu ngế ki djâ troăng hnoăng cheăng khu xiâm pơkuâ ko\ng an.

Pôa xuân cho ngế ki tơmâng ngăn troh kăn [o#, lêng, malối cho tung pơla ki ai tơdroăng ôh tá tro, tíu pêi cheăng ôh tá tơniăn. {ă tuăn hiâm cho kăn xiâm Khu hnê mơhno cheăng Tây Nguyên tung pơla pôa dế pêi cheăng mê pôa hiăng achê [ă mâu kuăn pơlê hdroâng kuăn ngo, achê [ă mâu kăn [o# lêng, mơhnhôk kăn [o# lêng tung pơla ai tơdroăng ki ôh tá tơniăn, dêi hnoăng cheăng rak tơniăn gak kring pơlê pơla’’.

Hâi 02/04/2016, Hâi ki klêi kơ’nâi châ Kuo#k ho#i pôk, a hngêi hôp kân Kuo#k ho#i, pôa Trần Đại Quang, kăn xiâm hnê ngăn tơnêi têa hiăng krâ kơlo\ng xo dêi hnoăng cheăng tơhrâ a hlá cơ Tơnêi têa, a ngiâ Kuo#k ho#i [ă hdroâng mơngế kuăn pơlê tung lâp tơnêi têa. Tối tơbleăng a rôh to pro kăn, pôa Trần Đại Quang, kăn xiâm hnê ngăn tơnêi têa tối nhên: ‘’{ă tơdroăng ki sôk ro, pôu râng dêi hnoăng cheăng kân k^n dêi môi ngế pơkuâ tơnêi têa, kăn xiâm hnê ngăn Ho#i đong lêng [ă kring vế - gak ngăn, pơkuâ khu lêng kring vế kuăn pơlê, á kô pêi tâi ivá tơná mơhno\ng ăm Tơnêi têa, kum kuăn pơlê, pơtó [ă mơdêk khôi túa mơjiâng tơnêi têa, rak vế tơnêi têa dêi hdroâng mơngế [ă tơdroăng ki rơkê ple\ng dêi mâu kăn xiâm hnê ngăn tơnêi têa tung mâu rôh hdrối nah, mơdêk khu tơru\m hiâm mơno tâi tâng kuăn pơlê’’.

2 hơnăm pro kăn xiâm hnê ngăn tơnêi têa, tung hnoăng cheăng cho ngế pơkuâ xiâm tơnêi têa Việt Nam, pôa Trần Đại Quang, kăn xiâm hnê ngăn tơnêi têa hiăng ai hên tơdroăng ki veăng kum kal khât.

Pôa cho ‘’ngế ki rơkê kơnía’’ pơtó ăm tơru\m cheăng tơpui kâ la ngiâ [ă tung tâi tâng. Pôa Trần Đại Quang, kăn xiâm hnê ngăn tơnêi têa hiăng ai hnoăng cheăng tơru\m tơroâ [ă mâu kong têa tung lâp plâi tơnêi. Sap ing túa rêh ối, tơdroăng ki xiâm, tơdroăng cheăng dêi kăn xiâm hnê ngăn tơnêi têa veăng kum mơdêk hnoăng cheăng dêi Việt Nam tung kơpong [ă tung lâp plâi tơnêi.

Pôa Trần Đại Quang, kăn xiâm hnê ngăn tơnêi têa hiăng mơdêk hên h^n mâu rôh lăm pôu, pêi cheăng tơdjêp sap ing mâu kong têa peăng mâ hâi lo troh mâu kong têa peăng mâ hâi lu tung lâp plâi tơnêi, sap ing kong têa Kul, Cuba,  Sinuâ, Brunei, Nhuk, Singapore, tá troh Rusi, Belarus, Italia, Peru, Israel, Ấn Độ, Vatican, Madagascar, Ethiopia [ă Egipto, kum mơdêk tơdroăng ki tơru\m cheăng pơla Việt Nam [ă mâu kong têa. Malối, hiăng mơhno tối hnoăng cheăng kăn xiâm hnê ngăn tơnêi têa dêi ‘’Hneăng hôp mâu kăn pơkuâ cheăng kâ APEC’’.

Pôa Nguyễn Túc, kăn cheăng tung khu xiâm hnê ngăn Vi [an Măt tra#n Tơnêi têa Việt Nam tối tiah kố: APEC Việt Nam 2017, maluâ drêng mê nah kăn xiâm hnê ngăn tơnêi têa hiăng trâm tơdroăng ki tamo tung châ pôa la [ă tuăn hiâm môi tuăn ăm kơ Đảng, kơ tơnêi têa [ă kuăn pơlê, pôa hiăng ai mâu tơdroăng ki veăng kum kơhnâ khât, mơhno tối hnoăng cheăng dêi kăn xiâm hnê ngăn tơnêi têa Việt Nam tung pơla mot tơru\m cheăng [ă kong têa ê:

‘’Á tơmâng ngăn khât troh Hneăng hôp APEC, drêng mê kăn xiâm hnê ngăn tơnêi têa hiăng tro tamo, lăm pơlât a Nhuk. Hiăng vâ troh hâi po Hneăng hôp mê kuăn pơlê tô tuăn. Xua Hneăng hôp APEC hên kăn xiâm pơkuâ ngăn kong têa môi tiah kăn xiâm hnê ngăn kong têa Sinuâ, kăn xiâm pơkuâ kong têa Mih, kăn xiâm pơkuâ kong têa Rusi [ă hên kăn xiâm pơkuâ mâu kong têa ki ê, maluâ tro tamo la pôa xuân ối mơ-eăm vêh tro hâi khế po Hneăng hôp tiô tơdroăng ki rơhêng vâ dêi Đảng, Tơnêi têa. Xua Hneăng hôp ki mê hiăng ô eăng hnoăng cheăng dêi Việt Nam tung mâu kong têa ê. Tâi tâng mâu ngế ki veăng troh hôp a hneăng hôp mê pơrá ôh tá kâi piu ‘na Việt Nam hâk vâ kơ tơmối, a chê, tơdrăng’.

Lại Hoa  chêh

Katarina Nga tơplôu [ă tơbleăng