Mâu hơnăm achê kố nah, tơdroăng rêh ối dêi vâi krâ nho\ng o kơpong kong ngo kong pơlê Quảng Nam hiăng chía kơdroh iâ tơdroăng ki xơpá môi tiah hdrối nah. Troăng prôk ki trâp hliâk, prêi hmốu hiăng châ hơ’leh [ă troăng [ê-tong krúa le\m, le\m krip. Kuăn pơlê roê hên rơxế hon đa vâ tơ’lêi ăm tơdroăng ki prôk lăm. Rôh Têt, droh rơtăm a mâu pơlê lăm xah hêi, ôu drôu [ier, mê trâm hên tơdroăng ki hlâ, rong xua tơklâm rơxế a troăng prôk. Sap ing ai túa pơkâ dêi pơlê ôh tá kơto rơxế tung hâi Têt, cheăm A Tiêng, tơring Tây Giang ôh tá ai rôh tơklâm rơxế ki lâi tung rôh Têt.

Zơ Râm Mưu, môi ngế rơtăm a cheăm A Tiêng ăm ‘nâi, Têt hơnăm hdrối kố nah, droh rơtăm tung cheăm pơrá pơcháu khoă rơxế ăm kăn pơkuâ thôn rak ngăn. Klêi kơ’nâi hâi má 3 Têt mê kăn pơkuâ thôn pơcháu khoă ăm vâi krâ nho\ng o vâ kơto xah hêi, trâm mâ, pôu kơ-êng dêi pó:

‘’Tâng vâ tối, apoăng gá tơpá khât. La klêi kơ’nâi 2, 3 hơnăm mê hiăng chiâng môi túa ki tro, hmâ. Môi tiah hdrối nah drêng pơkâ luât truâ muâk rak ko drêng to rơxế mê nôkố xuân hiăng chiâng tơdroăng ki hmâ. Tơkéa vâ tối vâi hâk tơngăm [ă tơdroăng pơkâ mê, troh tâi Têt cho pơcháu xêh khoă rơxế hon đa ăm kăn pơlê’’

To lâi hơnăm kố hiăng chiâng tơdroăng ki hmâ, hmâ troh a hâi má 28, má 29 Têt, vâi krâ nho\ng o Cơ-tu kô djâ dêi rơxế hon đa troh a Gươl dêi pơlê, xo khoă rơxế ăm krâ pơlê, kăn pơkuâ thôn, ko\ng an thôn râng. Pôa Pơloong Nấp, krâ pơlê, kăn pơkuâ teăng mâ ăm Khu ngăn mâu ngế hơnăm hiăng krâ tơring Tây Giang ăm ‘nâi, mâu ngế Cơ-tu ai tuăn hiâm tơru\m, drêng ai pơkâ dêi pơlê mê vâi krâ nho\ng o kô pêi pro kơtăng. Vâ pêi pro châ tơ-[rê ’’tơdroăng pơkâ’’ ki pơlê mơ’no, kăn pơkuâ tơring, cheăm hiăng mơhnhôk mâu ngế ki châ kuăn pơlê loi nhuo#m tung pơlê pơla môi tiah krâ pơlê, kăn pơkuâ thôn tơru\m [ă khu ko\ng an viên tối tơbleăng troh kuăn pơlê. Rêm  rôh hôp, krâ pơlê [ă ngế ki châ kuăn pơlê loi nhuo#m tung thôn kô veăng kum tối tơbleăng luât vâ kuăn pơlê tơ’lêi ‘nâi. Hdrối Têt, ngế ki pơkuâ thôn kô pêi dêi hnoăng cheăng mơhnhôk kuăn pơlê, vâ kâ Têt tơniăn ro mê pôi tá kơto rơxế drêng hiăng ôu drôu, ôu [ier. Pôa Pơloong Nấp ăm ‘nâi, hdrối nah pôa athế troh rêm rơpo\ng hngêi kuăn pơlê vâ xo khoă rơxế hon đa, nôkố kuăn pơlê hiăng lăm djâ nâp dêi, tơdroăng kố xuân hiăng tơ’lêi hlâu. Tiô pôa Pơloong Nấp, túa ki rak khoă kố rế pro ăm hâi hơngui tơ’nôm ro tâ:

‘’A tơring kố, sap ing krâ pơlê, măt tra#n [ă mâu kơvâ cheăng hiăng tối tơbleăng, mơhnhôk rêm ngế, malối cho droh rơtăm ‘nâi xúa rơxế hon đa, vâ rêm ngế ‘nâi [ă pêi pro tro’’.

Troh nôkố, kuăn pơlê dêi 5 to cheăm cho A Nông, A Xan, Tr Hy, A Tiêng, cheăm Lăng, tơring Tây Giang, kong pơlê Quảng Nam hiăng pêi pro kơtăng mâu tơdroăng nâp rơxế hon đa [ă khoă ăm pơlê rak, kơxo# rôh tơklâm rơxế a troăng prôk tung rêm rôh Têt hiăng kơdroh. Pôa Bhling Mia, kăn hnê ngăn Vi [an tơring Tây Giang, kong pơlê Quảng Nam ăm ‘nâi, sap ing ai túa pơkâ kố, hên cheăm dêi tơring ôh tá ai xếo mâu rôh ki pro ôh tá tơniăn a troăng prôk xua vê rơxế tơdroăng ki pôu, ôu drôu [ier [ă tơdah môi rôh Têt tơniăn. Kố cho túa pêi ki tro [ă tơ-[rê. La ngiâ ah, tơring kô po rơdâ túa pơkâ nố troh tâi tâi tâng mâu cheăm ki u ối:

‘’Tơring ai troăng hơlâ pơkâ mê cho hâi má 3 Têt ôh tá xê to rơxế ki xiâm cho vâ pro tơniăn ăm vâi krâ nho\ng o. Mâu ngế ki ai rơxế hon đa kô hbrâ rơnáu tung 3 hâi Têt pơcháu khoă ăm kăn pơkuâ thôn, ko\ng an thôn. Drêng cheăm, thôn ai ngế ki châi tamo mê ai khu ki gak djâ pơtroh a tíu khăm pơlât cheăm, tơring vâ pơlât’’.

            VOV Miền Trung

Katarina Nga tơplôu [ă tơbleăng