O Hồ Hoàng Hạnh, ối a tơring Duy Xuyên, kong pơlê Quảng Nam cho môi tung mâu ngế ki rơkê ple\ng hơnăm ối nếo mơhno\ng pleăng dêi hnoăng cheăng tung tơdroăng pơkâ 500. O Hồ Hoàng Hạnh châ xing xoăng pêi hnoăng cheăng hnê ngăn ‘na luât, chêh ‘mot pơleăng mâ mơngế tung ph^u rơpo\ng hngêi a cheăm Đak Pring, tơring Nam Giang, kong pơlê Quảng Nam. Kố cho cheăm ki xơpá má môi kơpong tơkăng kong.

Mâu ngế ki mơnúa pêi tơpui tơno dêi pó klêi kơ’nâi 3 hơnăm lăm pêi cheăng a mâu cheăm xơpá

Cho môi ngế droh hơnăm ối nếo a kong tơbăng lăm troh pêi cheăng a kong ngo, Hạnh trâm ôh tá iâ tơdroăng xơpá xua mâu khôi túa, vêa vong dêi vâi krâ nho\ng o hdroâng kuăn ngo Ve, Tà Riềng, Jêh Triêng. Vâ re\ng hmâ [ă tíu cheăng ki nếo, Hoàng Hạnh athế hriâm nâl tơpui hdroâng kuăn ngo, tí tăng ‘nâi nhên khôi túa, vêa vong dêi vâi krâ nho\ng o. Klêi kơ’nâi 3 hơnăm pêi cheăng, o Hồ Hoàng Hạnh hiăng pêi klêi hnoăng cheăng [ă hlo hâk vâ kơpong tơnêi kố, ai tơdroăng ki rơhêng vâ pêi cheăng ton xo\n a kơpong kong ngo kố:

‘’Á cho ngế hơnăm ối nếo, á đi đo ai tuăn hiâm rơhêng vâ mơnhông mơdêk kơpong tơnêi ki nếo, tíu á troh kố gá le\m ‘nâng. Vêh troh a kố, á xuân mơ-eăm pêi klêi hnoăng cheăng pơcháu môi tiah lăm séa ngăn tơdroăng cheăng dêi tơring, cheăm, kơpong kuăn pơlê rêh ối. Malối cho ‘na vâi hdrêng ki xo dêi rơpó tá hâi tro hơnăm [ă xo dêi rơpó ối a chê môi hdroâng hdrê gá hên khât, mê á xuân lăm troh a thôn, pơlê, á tối tơbleăng, vâi xuân ‘nâi tơdroăng ki mê’’.

{ă Bùi Đức Tường, kơ’nâi hriâm klêi ‘na kơvâ cheăng kâ, Hngêi trung Đăi hok Kinh tế Pơlê kong kân Hồ Chí Minh xuân lăm cheăng a cheăm tơkăng kong Đức Phong, tơring Mộ Đức, kong pơlê Quảng Ngãi. {ă tuăn tơmiât, hơnăm ối nếo kơhnâ, kal athế pleăng dêi hnoăng, ôh tá xâu pá puât, Tường đi đo mơ-eăm ivá pêi klêi hnoăng cheăng pơcháu:

‘’{ă ivá dêi tơná lăm troh a cheăm mê á hlê nhên tâ mâu vâi miê a cheăm ‘na ko\ng nge# thong tin mê á to\ng kum ăm mâu vâi miê, [ă tơdroăng ki pơtối pêi pro tơdroăng ki rơhêng vâ tung tuăn hiâm mơno dêi tơná, kum cheăm, kuăn pơlê cheăm Đức Phong môi tiah mơnhông mơdêk cheăng kâ [ă pêi klêi hnoăng cheăng dêi tơná. Mê cho tơdroăng ki á rơhêng vâ’’.

Klêi kơ’nâi 3 hơnăm tối tơbleăng tơdroăng pơkâ rah xo mâu ngế ki rơkê ple\ng hơnăm ối nếo vêh a mâu cheăm ki xơpá, 500 mâu ngế hơnăm ối nếo ối tung 34 kong pơlê châ pơkâ troh a mâu cheăm, thôn [ă kơpong kong ngo dêi mâu kong pơlê tung lâp tơnêi têa. Khu kố hiăng kum ôh tá iâ hnoăng cheăng mơjiâng thôn pơlê nếo a kong ngo, hnê mơjiâng kăn [o# ăm mâu kơpong ki malối xơpá. Ki hên mâu ki mê re\ng ‘nâi tơdroăng cheăng a pơlê, cheăm, pêi pro tro hnoăng cheăng châ pơcháu, tơru\m [ă pơlê cheăm.

Ai mâu ‘nâ khên tơnôu pơkâ mơ’no tơdroăng mơnhông mơdêk cheăng kâ rêh ối pơlê pơla [ă tơku\m pêi pro châ tơ-[rê. Pôa Nguyễn Tri, Kăn pơkuâ {ơrô Mơjiâng khu kăn pơkuâ [ă Hnoăng cheăng droh rơtăm, Khu ngăn ‘na tơring, cheăm [ă hnoăng cheăng dêi mâu kăn [o# kong pơlê Thừa Thiên Huế tối ăm ‘nâi:

‘’Khu hơnăm ối nếo veăng tung tơdroăng pơkâ cheăng pleăng hnoăng cheăng a Thừa Thiên Huế ai tuăn hiâm kơhnâ, kum pơlê, cheăm tung 5 kơvâ cheăng: Chêh pro hlá mơ-éa ‘na tơnêi tơníu, kơvâ luât, [ơrô cheăng riân ngăn, ‘na kơvâ liăn ngân [ă Mơhno túa le\m tro pơlê pơla. Tâi tâng 31 ngế tung khu pơrá châ mơnhên tối pêi klêi hnoăng cheăng [ă ai mâu khu ki ‘nâ pêi rơkê má môi hnoăng cheăng pơcháu’’.

Troh nôkố, lối 200 ngế tung tâi tâng 500 ngế ki veăng tung Tơdroăng kố châ mot đảng viên, 141 ngế châ khu râ Đảng, khu kăn pơkuâ kong pơlê tơmâng ngăn, hnê tơ’nôm vâ mot Đảng. Kăn pơkuâ mâu tơring, cheăm mơnhên tối khât ivá cheăng rơkê, tơdroăng rêh ối dêi mâu ngế hơnăm ối nếo ki pleăng dêi tơdroăng cheăng.

Pôa Vũ Đăng Minh, kăn pơkuâ ‘na kơvâ cheăng Droh rơtăm, ối tung khu xiâm ngăn mâu kong pơlê, tơring, cheăm [ă hnoăng cheăng mâu kăn [o# ăm ‘nâi, ki hên mâu ngế ki kố hiăng châ tơdroăng to\ng kum dêi khu râ Đảng, khu kăn pơkuâ kong pơlê [ă vâi krâ nho\ng o loi tơngah.

‘’Tơdroăng ki pêi pro xiâm má môi dêi pơkâ mâu ki rơkê ple\ng hơnăm ối nếo lăm troh a cheăm pêi cheăng [ă mơdêk tro hnoăng cheăng dêi tơná [ă kum kơhnâ păng ‘nâng tung mơnhông mơdêk cheăng kâ rêh ối pơlê pơla a mâu tơring, cheăm, veăng mơjiâng thôn pơlê nếo, kơdroh tah kơtiê xơpá. {ă ho\ng tơdroăng ki ai khât tung hnoăng cheăng, hên ngế hiăng mơ-eăm, hriâm pât, hiăng rơkê [a\ hiăng châ rah xo mot Đảng. Mâu ki mê hiăng pêi hnoăng cheăng ki rơkê dêi tơná pêi pro tro [ă mơnhên ki rơdêi ivá rơkê dêi tơná’’.

Kơhnâ, [e\ng [eăn, hâk git [ă tơdroăng ki pơloăng mơnúa dêi tơná, mâu ngế hơnăm ối nếo veăng tung tơdroăng pơkâ 500 ngế hiăng djâ vế tơdroăng ki nếo troh a mâu cheăm ki malối xơpá. Mâu vâi pú hơnăm ối nếo rơhêng vâ pơtối mơdêk ki rơkê ple\ng ‘na hnoăng cheăng, ‘no ivá hơnăm ối nếo pêi hên tơdroăng cheăng ki ai pơxúa ăm tơdroăng rêh ối, pêi klêi hnoăng cheăng a mâu cheăm kơpong hơngế hơngo [ă kơpong kong ngo’’.

Lê Hiếu chêh

Katarina Nga tơplôu [ă tơbleăng