Cho môi tung mâu to thôn ki malối xơpá dêi tơring Krông Năng, kong pơlê Dak Lak, hơnăm 2016, thôn Bình Minh, pơlê kân Krông Năng châ tơdroăng ki tơmâng ngăn ‘no liăn cheăng dêi kong pơlê Dak Lak kơvâ on tơhrik hiăng tâp trăng toi kơxái on tơhrik tơnêi têa vâ kum ăm tơdroăng ki rêh ối cheăng kâ, xúa on tơhrik ăm kuăn pơlê.

Ai on tơhrik, tơdroăng rêh ối dêi vâi krâ nho\ng o hlo hơ’lêh hên khât. Pôa Đinh Trọng Phú, hơnăm kố hiăng 84 hơnăm, ối a thôn Bình Minh tối: Rêh ối plâ rơxông mê nôkố tung hngêi nếo roê tu\m mâu kế tơmeăm xúa ki ai tơdjâk troh on tơhrik ăm rơpo\ng hngêi. Nôkố tơdroăng rêh ối hiăng hơ’lêh.

Tâi tâng vâi krâ nho\ng o bô bố xuân sôk phiu, hơniâp ro xua ai on tơhrik bâ eăng, ôh tá ai xếo tơdroăng ki têk on kơđe\ng. Ai on tơhrik, hngêi ki lâi xuân ai hdro pế hmê on tơhrik’’.

A cheăm kơpong hngế }ư\ Drăm, tơring Krông Bông ai 1.500 rơpo\ng [ă lối 9 rơpâu pơ’leăng mâ mơngế, tung mê, kuăn pơlê hdroâng kuăn ngo châ lối tơdế. Troh nôkố, lâp cheăm hiăng ai lối 97% rơpo\ng châ xúa on tơhrik tơnêi têa.

Ai on tơhrik, hên rơpo\ng hiăng ‘no liăn po rơdâ pêi chiâk deăng, păn mơnăn mơnoâ môi tiah: roê kơmăi hrik xúa on tơhrik tôh kơphế, tiu, alâi, báu tung rơnó mơdrăng, roê tivi ngăn vâ ‘nâi mâu troăng hơlâ dêi Đảng, luât tơnêi têa xuân môi tiah tơdroăng ki rơkê ple\ng tung pêi cheăng kâ, păn mơnăn mơnoâ. Kơnôm ing mê, tơdroăng rêh ối liăn ngân, tuăn hiâm dêi kuăn pơlê rế hía rế châ mơdêk, kơxo# rơpo\ng kơtiê lâp cheăm chu kơdroh ối 20%, ôh tá ai xếo rơpo\ng kơklêa. Hlo ‘na tơdroăng ki hơ’lêh kố tung tơdroăng rêh ối sap ing ai on tơhrik nâ H’Roanh Êban, kuăn pơlê tung cheăm ăm ‘nâi:

Nah on tơhrik ôh tá ai, troăng prôk lăm xuân pá, nôkố châ tơnêi têa ‘no liăn toi kơxái on tơhrik mê gá hiăng chía niân hên tâng pơchông [ă nah.

Tiô pôa Lê Hoài Nhơn, kăn pho\ pơkuâ ngăn Ko\ng ti On tơhrik Dak Lak tối, tung hneăng hơnăm 2003 – 2017, kơvâ on tơhrik hiăng ‘no vâ chê 950 rơtal liăn tung mâu tơdroăng tơkêa ‘na tâp trăng hnhâng kơxái on tơhrik troh a thôn pơlê. Mê troh nôkố, mâu kế tơmeăm ‘na on tơhrik hiăng pêi klêi [ă hiăng pơxiâm vâ xúa. Kum mơdêk kal khât tung tơdroăng ki mơnhông mơdêk cheăng kâ rêh ối, rak tơniăn gâk kring, pơlê pơla cheăm bêng dêi kong pơlê.

Tung mâu hơnăm hiăng luâ [ă ivá mơ-eăm dêi kơvâ on tơhrik tối tơdjuôm [ă Ko\ng ti on tơhrik Dak Lak tối phá hiăng mơ-eăm tâp trăng hnhâng kơxái on tơhrik troh a mâu thôn, pơlê kơpong hơngế hơngo, kơpong kơtiê xơpá. Riân troh nôkố, kơxo# rơpo\ng kơtiê ai on tơhrik hiăng châ lối 97% xúa on tơhrik tơnêi têa.

Sap ing ivá mơ-eăm dêi kơvâ on tơhrik Dak Lak, on tơhrik tơnêi têa hiăng pêi pro troh a mâu kơpong kong ngo, kơpong hơngế hơngo, pêi pro hnoăng cheăng xut tah, kơdroh kơtiê, mơdêk tơdroăng rêh ối tuăn hiâm ăm hdroâng kuăn ngo. Kố xuân cho tơdroăng ki kal pơkâ ăm Dak Lak tối phá [ă Tây Nguyên tối tơdjuôm rế hía rế mơnhông mơdêk tơ’mô [ă mâu kơpong ki ê tung lâp tơnêi.

Hương Lý chêh

Katarina Nga tơplôu [ă tơbleăng