VOV4.Sêdang - Khu kăn pêi cheăng dêi Vi [an Mât tra#n Tơnêi têa Việt Nam pơlê kong kân Hồ Chí Minh troh lăm pôu, mơhnhôk vâi krâ, nho\ng o tro lu\p kế tơmeăm khoăng xua khía mơhot roh má 12 [a\ kong mêi têa kân lân lu tung kong pơlê Kon Tum. Khu kăn hiăng to\ng kum 1 rơtal liăn.

Măt tra#n tơnêi têa pơlê kong kân Hồ Chí Minh diâp kơxo# liăn kum kuăn pơlê kong pơlê Dak Lak tro tơ’nhiê tơmeăm xua khía mơhot kân rôh má 12 pro.

Kố cho kơxo# liăn veăng tơlo dêi mâu râ kuăn pơlê, kăn [o#, mâu ngế ko\ng nhân, mâu lêng, mâu kuăn khôp, khu cheăng pơlê pơla, mâu khu cheăng kâ tung pơlê kong kân Hồ Chí Minh.

Khu kăn hiăng mơ’no 50 rơtuh liăn ing kơxo# liăn kố vâ pơtối lăm pôu, mơhnhôk [a\ kum 50 rơpo\ng vâi krâ hdroâng kuăn ngo kơtiê a cheăm Đăk Ring, tơring Kon Plông tro tơ’nhê ‘na kế tơmeăm xua khía mơhot roh má 12 [a\ kong mêi têa kân lân lu pro, rêm rơpo\ng châ kum 1 rơtuh liăn.

Hâi lơ 13 khế 11, a pơlê kong kơdrâm {uôn Ma Thuột, kong pơlê Dak Lak, Măt tra#n tơnêi têa Việt Nam pơlê kong kân Hồ Chí Minh hiăng diâp 1 rơtal liăn xua kuăn pơlê, kăn [o#, lêng pơlê kong kân Hồ Chí Minh kum ho\ng tơdroăng ki to\ng kum troh kuăn pơlê tung kong pơlê ki tro lu\p kế tơmeăm xua khía mơhot kân rôh má 12 plong mot.

A Dak Lak, khía mơhot kân rôh má 12 hiăng pro 1 ngế hlâ [ă 10 ngế ki ê tro rong, vâ chê 170 toăng hngêi tro tơhnâp, lối 2 rơpâu toăng hngêi ki ê tro tơtêa kuâ [ă tơ’nhiê tơ’nhe#ng, lối 26.500 ha tơnêi pêt mâu hdrê loăng tro kơđôu, kơtong, vâ têa lân lu, tâi tâng tro lu\p dâng 365 rơtal liăn. Rơtế tung hâi ki mê, Khu kăn pêi dêi hnoăng cheăng Măt tra#n pơlê kong kân Hồ Chí Minh hiăng troh pôu, kơ-êng, mơhnhôk [ă diâp 150 kơxuô kế tơmeăm, rêm kơxuô kơnâ 1 rơtuh liăn kum kuăn pơlê cheăm Ea Trang, tơring Mdrak, tro lu\p kế tơmeăm tung rôh khía mơhot kan plong mot pơla hdrối kố nah, vâ kơtâ luâ mau tơdroăng xơpá.

A Sa Ly prế Katarina Nga tơplôu [ă tơbleăng