VOV4.Sêdang - Drêng pơreăng COVID-19 xông tâ tú ó, xua pơtối châ hlo hên ngế tro tâ tung pơlê pơla, kơxê lơ 24/10, pơlê kong kơdrâm Ƀuôn Ma Thuột, Dak Lak hiăng tơbleăng mơ-éa pơkâ mâu tíu tê mơdró tơmeăm ô, kâ (hngêi tê mơdró ô kâ, tíu tê tơeăm kâ, kơphế) pơtê tê ăm tơmối ‘nân ối kâ amê, bu chiâng phêp tê djâ vêh. Hâi khế pêi pro sap ing 18h hâi lơ 25/10 troh tâi hâi lơ 10/11/2021.

Môi kơpong kuăn pơlê rêh ối a pơlê kong kơdrâm Ƀuôn Ma Thuột tro kâng kơxái mơdât ôh tá ăm mot lo pakong xua ai ngế tro tâ COVID-19 tung pơlê pơla

Hdrối mê, hâi lơ 21/10, Viƀan pơlê kong kơdrâm Ƀuôn Ma Thuột hiăng ai mơ-éa thâ vâ mơdêk tâ mê nếo tơdroăng hbrâ, mơdât pơreăng COVID-19. Tiah mê, tung pơla 3 hâi hiăng hluâ, Viƀan pơlê kong kơdrâm Ƀuôn Ma Thuột hiăng đi đo tơbleăng mơ-éa ‘mâi rơnêu mâu pơkâ ‘na tê mơdró tơmeăm ki kal xúa rêm hâi vâ mơdêk tâ mê nếo tung hbrâ, mơdât pơreăng COVID-19 tung pơlê kong kơdrâm. A Dak Lak, tung 24 chô hiăng hluâ (xêo sap ing 16h lơ 23/10) troh 16h hâi lơ 24/10, lâp kong pơlê châ hlo 93 ngế tro tâ SARS-CoV-2, pơlê kong krâm Ƀuôn Hồ ai kơxô̆ ngế tro tâ hên má môi ƀă 50, tơring Čư M’gar 19 ngế, pơlê kong kơdrâm Ƀuôn Ma Thuột 13 ngế, tơring Čư Kuin 11 ngế.

A Sa Ly tơplôu ƀă tơbleăng