VOV4.Sêdang - A tíu pêi cheăng Chin phuh, khu hnê mơhno cheăng 138 Chin phuh ‘na hbrâ mơdât mơngế ki ai xôi [a Khu hnê mơhno 389 tơnêi têa ‘na mơdât  mơngế tê mơdró liu, oh tá tơdrăng tung mơdró [ă tê tơmeăm oh tá xê khât tơku\m po Hneăng hôp mơ’no tơdrêng tung lâp tơnêi têa Mơgêi hneăng hôp a hơnăm 2019 [ă tơbleăng tơdroăng cheăng pêi hơnăm 2020.

Xông tơpui a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa tối thế Khu hnê mơhno 138 dêi Chin phuh [ă Khu hnê mơhno 389 dêi Tơnêi têa rơtế [ă mâu kong pơlê tung hơnăm kố thế pêi cheăng tiô tơdroăng hnê mơhno dêi pôa Nguyễn Phú Trọng, Kăn xiâm pơkuâ hnê ngăn Đảng thế pro tro tâ hơnăm nah. Mâu lêng thế pêi tro hnoăng cheăng mơdât mâu ki pro xôi, séa ngăn, tối ăm ‘nâi mâu ki pro xôi.

Hlối tối thế tơleăng mơnhên klêi drêng châ hlo châ ‘nâi [ă mâu tơdroăng ki lâi nhôm pro xôi luât, malối mâu ki ai xôi pú hên, ai khu pơkuâ môi tiah tê rôe ma tu\i, pro pơlăm pơlói vâi ‘ne\ng, tê rôe mơngế, ăm mung  liăn tơvêh laih hên xúa túa kơmăi ki dâi le\m chal nếo nôkố [ă tê mơdró liu tung pêi pro tơmeăm ôh tá xê khât.

Ngế pro xiâm hnê ngăn tơnêi têa tối thế tâng mâu kong pơlê ki lâi lôi ai tơmeăm tê mơdró liu thế hơ’lêh ngế pơkuâ a tíu mê, tâng hlo nhôm kâ kơluâ, lơ ai kơtôa hjip rôe tơmeăm, lơ kơtôa thế pơxâu phak kơtăng. 

Gương tơplôu [ă tơbleăng